Monday, June 26सूचना प्रवाहमा ३३ वर्षको लामो यात्रा

ललितपुरको रातो मछिन्द्रनाथको जात्रा

सबैभन्दा लामो जात्राको रुपमा रहेको ललितपुरको रातो मछिन्द्रनाथको जात्रा मनाउने क्रममा आज याकः मिसा भुज्याः अर्थात एक महिलाको जात्रा मनाईयो । जात्रा मनाउने क्रममा आज बिहान झिसमिसे उज्यालोमा लगनखेलको थतिटोलबाट करिब २ सय मिटर तल इतिटोलसम्म महिलाहरुले रथ तानेर जात्रा मनाएका थिए । यो जात्राले परापूर्वकालदेखि महिलाहरुलाई पनि पुरुष सरह अधिकार दिएको पाइन्छ । खासगरी एकल महिलाहरुलाई आजको दिन रमाइलो गराउन र उनिहरुको दुःख बिर्साउने उद्देश्यले यो जात्रा सुरु गरिएको हो । आजभोलि विवाहित अविवाहित जोसुकै महिला पनि रथ तान्न सहभागी भई रमाइलो गर्ने गरेका छन् । रथ तान्नका लागि आज बिहानै झिसमिसे उज्यालोदेखि काठमाडौ, ललितपुर र भक्तपुरका बिभिन्न स्थानबाट महिलाहरु जम्मा भएका थिए ।।

Leave a Reply

Your email address will not be published. Required fields are marked *