प्रधानमन्त्री केपी शर्मा ओलीले आगामी १० वर्षभित्र व्यापार घाटा सन्तुलनमा आउने बताउनुभएको छ । नेपाल कम्युनिष्ट पार्टी (नेकपा) प्रदेश नं १ द्वारा हिजो बिराटनगरमा आयोजित बृहत् कार्यकर्ता भेलालाई सम्बोधन गर्दै उहाँले नेपालमा आगामी जेठसम्ममा निर्यात हुने बिजुली उत्पादन हुने बताउनुभयो । प्रधानमन्त्री ओलीले अगामी दिनमा संयुक्त राष्ट्र सङ्घमा हुने सम्मेलनमा नेपाल सरकार फरक ढङ्गले प्रस्तुत हुने तथा बिम्स्टेक र सार्कलाई सक्रिय बनाउन नेपाल सरकारले पहल गर्ने जानकारी दिनुभयो । नेकपाका अध्यक्षसमेत रहनुभएका प्रधानमन्त्री ओलीले आफ्नो सेवा र सुविधाभन्दा पनि जनताको आवश्यकता र चाहनामा केन्द्रित हुन तथा जनतासँग मित्रवत् व्यवहार गर्न जनप्रतिनिधिलाई आग्रह गर्नुभयो ।
