चालू आर्थिक वर्षको तीन महीनामा नेपालको व्यापार घाटा करिब साढे तीन खर्ब रुपैयाँ

114
नेपाल राष्ट्र बैंक

चालू आर्थिक वर्षको तीन महीनामा नेपालको व्यापार घाटा करिब साढे तीन खर्ब रुपैयाँ पुगेको छ । नेपाल राष्ट्र बैंकले हिजो सार्वजनिक गरेको चालू आर्थिक वर्षको तेस्रो महीनाको आर्थिक तथा वित्तीय स्थितिमा कूल वस्तु व्यापार घाटा ४५ दशमलव ९ प्रतिशतले वृद्धि भएको उल्लेख छ । समीक्षा अवधिमा निर्यातआयात अनुपात ६ दशमलव ४ प्रतिशत कायम भएको छ । अघिल्लो वर्षको सोही अवधिमा सो अनुपात ७ दशमलव ९ प्रतिशत थियो । चालू आवको तीन महीनामा कूल वस्तु निर्यात १६ दशमलव १ प्रतिशतले वृद्धि भएको छ । अघिल्लो वर्षको सोही अवधिमा निर्यात वृद्धि ८ प्रतिशतको हाराहारी थियो । केन्द्रीय बैंकका अनुसार भारत र चीनमा निर्यात वृद्धि भएको छ । यसैगरी चालू आर्थिक वर्षको तीन महीनामा दुई खर्ब ४२ अर्ब रुपैयाँ बराबरको विप्रेषण आप्रवाह भएको छ । विप्रेषण आप्रवाह ३७ प्रतिशत भन्दा बढीले वृद्धि भएको हो । यसैबीच अन्तिम श्रम स्वीकृतिका आधारमा वैदेशिक रोजगारीमा जाने नेपालीको सङ्ख्या ३६ दशमलव ७ प्रतिशतले घटेको छ ।

LEAVE A REPLY

Please enter your comment!
Please enter your name here