काठमाडौं, श्रावण २०: आगामी २४ घण्टा देशका पूर्व र पश्चिमी तराई तथा पहाडी भेगका केही स्थानहरुमा भारी वर्षाको सम्भावना रहेको छ । यसबाट पहिरो र बाढीको जोखिम बढ्ने भएकाले सतर्कता अपनाउन मौसमबिद्हरुले सचेत गराएका छन् । केहि स्थानहरुमा मेघ गर्जन र चट्याङ्ग पर्ने सम्भावना पनि रहेको छ । मनसुनको न्यून चापिय रेखा औसत स्थान भन्दा केहि नेपाल तर्फ सरेकोले मेघ गर्जन र चट्याङ्ग सहित वर्षाको सम्भावना देखिएको मौसम पूर्वानुमान महाशाखाले जनाएको छ | आज दिउँसो देशभर आंशिक देखि सामान्य बदली रही धेरै स्थानहरुमा हल्का देखि मध्यम वर्षा हुने छ । साथै पुर्व र पश्चिम तराई क्षेत्रका केही स्थाहरुमा भारी वर्षाको पनि सम्भावना रहेको छ । यस्तै आज राती पश्चिमि भू-भागका केही स्थान तथा मध्य र पूर्वका थोरै स्थानहरुमा मेघ गर्जन र चट्याङ्ग सहित हल्का देखि मध्यम वर्षा हुने छ । मध्य र पश्चिमी क्षेत्रका एक-दुई स्थानमा भारी वर्षाको समेत सम्भावना रहेको मौसम पूर्वानुमान महाशाखाको भनाइ छ । आगामी ३ दिनको मौसम पूर्वानुमान बुलेटिन जारी गरेको महाशाखाका अनुसार यो क्रम पर्सि सम्म जारी रहनेछ ।।
