एसिया कपको छनोट प्रतियोगिताको लागि १९ सदस्सीय प्रारम्भिक राष्ट्रिय क्रिकेट टोलीको घोषणा

88
नेपाली राष्ट्रिय क्रिकेट

अगष्ट अन्तिम साताबाट मलेसियामा आयोजना हुने एसिया कपको छनोट प्रतियोगिताको लागि १९ सदस्सीय प्रारम्भिक राष्ट्रिय क्रिकेट टोलीको घोषणा गरिएको छ । बन्द प्रशिक्षणपछि पहिलो चरणमा आएका १९ खेलाडीबाट १५ सदसिय नेपाली टोलीको घोषणा गरिने टोली ब्यवस्थापक रमण शिवाकोटीले बिज्ञप्ती मार्फत जानकारी दिनु भएको छ ।

नेपाली टोलीको बन्द प्रशिक्षण मंगलबार सुरु हुनेछ । १९ सदस्यीय टोलीमा कप्तान पारस खड्का, उपकप्तान ज्ञानेन्द्र मल्ल, अनिल कुमार साह, बिनोद भण्डारी, दिपेन्द्र सिंह ऐरी, करण केसी, किशोर महतो, ललित भण्डारी, ललित नारायण राजवंशी, आरिफ शेख, प्रदीप ऐरी र रोहित कुमार पौडेल रहेका छन् । यस्तै सागर पुन, सन्दीप लामिछाने, सोमपाल कामी, सुवास खकुरेल, सुनील धमला र सुशान भारी रहेका छन् ।

शिवाकोटीका अनुसार चोटका कारण नियमित सदस्य शरद भेष्वाकर भने टोलीमा समावेश भएका छैनन । एसिया कपको छनोटमा नेपालसहित आयोजक मलेसिया, युएई, हङकङ,सिंगापुर र ओमानले खेल्ने छन् । यस्तै नेपाली राष्ट्रिय क्रिकेट टोलीलाई ब्याटिङ प्रशिक्षण दिन भारतीय प्रशिक्षक अपूर्व देसाई नेपाल आउने पक्का भएको छ ।

LEAVE A REPLY

Please enter your comment!
Please enter your name here