बाढीको बितण्डापछि फ्रान्समा १६ सय भन्दा बढी विस्थापित

135
फ्रान्स बाढी

फ्रान्सको दक्षिण क्षेत्रमा आएको बाढीबाट १६ सय जना भन्दा मानिसहरु विस्थापित भएका छन् । फ्रान्स सहित युरोपका धेरै मुलुकहरुमा केही दिन यता चलिरहेको तातो हावा र बढीरहेको अप्रत्यासित गर्मी छल्न गएकाहरु डुवानमा परेका छन् । बाढीबाट दक्षिण क्षेत्रको गार्ड, आर्डेची र ड्रोमी शहर सबैभन्दा बढी प्रभावित भएका छन् । बाढी प्रभावित क्षेत्रमा उद्धार र राहतका लागि ४ सय भन्दा बढी अग्नी नियन्त्रक र ४ वटा हेलिकप्टर परिचालन गरिएको बताइएको छ ।

अधिकारीहरुका अनुसार बाढीमा फसेका बालबालिकाहरुको उद्धारमा खटिएका एक जर्मन नागरिक भने बाढीमा हराइरहेका छन् । उनी सो क्षेत्रमा चलिरहेको एउटा समर क्याम्पमा रहेका बालबालिकाहरुको उद्धारमा सक्रिए थिए । बाढिका कारण समर क्याम्पमा फसेका ११९ जना बालबालिकाहरुको सकुशल उद्धार गरिएको छ । उद्धार गरिएका बालबालिका र अन्य मानिसहरुलाइ उपचारका लागि अस्पताल लगिएको छ ।

LEAVE A REPLY

Please enter your comment!
Please enter your name here