साउदी नेतृत्वको संयुक्त हवाई आक्रमणमा परी यमनमा कम्तीमा २९ जना बालबालिकाको मृत्यु

481
यमन बिस्फोट

साउदी नेतृत्वको संयुक्त हवाई आक्रमणमा परी यमनमा कम्तीमा २९ जना बालबालिकाको मृत्यु हुनुका साथै ३० जना घाइते भएको रेडक्रसको अन्तर्राष्ट्रिय समितिले जनाएको छ ।

उत्तरी सादा प्रान्तको दयान बजारमा बसमा यात्रा गरिरहेका बालबालिका माथि हवाई आक्रमण गरिएको थियो । स्वास्थ्य मन्त्रालयका अनुसार हाउथी विद्रोहीहरुको आन्दोलनमा परी मृत्यु हुनेहरुको संख्या हालसम्म ४३ पुगेको छ भने ६१ जना घाइते भएका छन् ।

हाउथी विद्रोहीका गतिविधिलाई यमन सरकारले वैधानिक भन्दै समर्थन गर्दै आएको छ । विद्रोहीहरुले नागरिकहरुलाई लक्षित गरी आक्रमण नगरेको बताए पनि मानव अधिकार समूहले भने बजार, विद्यालय, अस्पताल र आवासीय क्षेत्रलाई लक्षित गरी बमबारी गरेको आरवप लगाएको छ ।

LEAVE A REPLY

Please enter your comment!
Please enter your name here