Tuesday, May 22

National

अख्तियार दुरुपयोग अनुसन्धान आयोगका प्रमुख आयुक्त दीप बस्न्यातले आयोगको क्षेत्राधिकारमा अनुचित कार्य हटाइएकोले भ्रष्टाचार नियन्त्रण र सुशासनका लागि काम गर्न सहज नभएको बताउनुभयो ।

अख्तियार दुरुपयोग अनुसन्धान आयोगका प्रमुख आयुक्त दीप बस्न्यातले आयोगको क्षेत्राधिकारमा अनुचित कार्य हटाइएकोले भ्रष्टाचार नियन्त्रण र सुशासनका लागि काम गर्न सहज नभएको बताउनुभयो ।

National
अख्तियार प्रमुख/अन्तरवार्ता अख्तियार दुरुपयोग अनुसन्धान आयोगका प्रमुख आयुक्त दीप बस्न्यातले कर फर्छ्यौट आयोगका सदस्य सचिव चूडामणी शर्माले बदनियतपूर्ण किसिमले काम गरी सरकारलाई करोडौं नोक्सान पुर्‍याई भ्रष्टाचार गरेको तथ्यहरु फेला परेको बताउनु भएको छ । नेपाल टेलिभिजनलाई विशेष अन्तर्वाता दिनुहुँदै प्रमुख आयुक्त बस्न्यातले आयोगको क्षेत्राधिकारमा अनुचित कार्य हटाइएकोले भ्रष्टाचार नियन्त्रण र सुशासनका लागि काम गर्न सहज नभएको समेत बताउनुभयो । वहाँले भ्रष्टाचार नियन्त्रणको सहयोगका लागि सबैसँग आग्रह समेत गर्नुभएको छ ।। अख्तियार प्रमुख दीप बस्न्यातले नेपाल टेलिभिजनसँग गर्नुभएको कुराकानीको पूर्ण विवरण नेपाल टेलिभिजनमा आज साँझ साढे ९ बजे र समाचार च्यानलमा अहिले साँझ ७:३० बजे प्रसारण हुनेछ ।।  
प्रधान न्यायाधिश नियुक्तिका लागि सिफारिस गर्ने बारे सम्बैधानिक परिषदमा छलफल/प्रमुख विपक्षी नेताद्वारा अध्ययनको लागि केही दिन माग ।

प्रधान न्यायाधिश नियुक्तिका लागि सिफारिस गर्ने बारे सम्बैधानिक परिषदमा छलफल/प्रमुख विपक्षी नेताद्वारा अध्ययनको लागि केही दिन माग ।

National
सम्बैधानिक परिषद बैठक सम्बैधानिक परिषदको आज बसेको बैठकमा प्रधानन्यायाधिश नियुक्तिका लागि सिफारिस गर्ने बारे छलफल भएपनि कुनै निर्णय भने हुन सकेन । प्रमुख प्रतिपक्षी दलका नेता केपी शर्मा ओलीले यस बारेमा केहीदिन अध्ययन गर्न समय माग गरेकोले बैठकमा कुनै निर्णय हुन नसकेको बैठकपछि परिषदका सदस्य उपसभामुख गंगा प्रसाद यादवले जानकारी दिनुभयो । सम्बैधानिक परिषदकको बैठक असार १५ गते पुनः बस्ने कार्यक्रम छ ।।
यातायात व्यवस्था कार्यालय इटहरीका ८ जना कर्मचारी विरुद्ध अख्तियारद्बारा  मुद्दा दायर/६१ करोड रुपैयाँ विगो र उत्तिनै जरिवानाको दावी ।

यातायात व्यवस्था कार्यालय इटहरीका ८ जना कर्मचारी विरुद्ध अख्तियारद्बारा मुद्दा दायर/६१ करोड रुपैयाँ विगो र उत्तिनै जरिवानाको दावी ।

National
अख्तियार/विज्ञप्ति अख्तियार दुरुपयोग अनुसन्धान आयोगले यातायात व्यवस्था कार्यालय सवारी, कोशी इटहरीमा राजश्व हिनामिना गरेको भन्दै ८ जना कर्मचारीलाई विगोसहित असुलउपर गर्न विशेष अदालत काठमाण्डौमा मुद्धा दायर गरेको छ । यातायात व्यवस्था कार्यालयका कर्मचारीहरुले ३ आर्थिक वर्षको अवधिमा दाखिला गर्नुपर्ने राजश्व रकम ६१ करोड २१ लाख २८ हजार ५ सय ५५ रुपैयाँ दाखिला नगरी हिनामिना गरेको ठहर गरेको छ ।कम राजश्व बैंक दाखिला गरी भ्रष्टाचार गरेको भन्दै अख्तियारले सो कार्यालयका उपसचिव रमेशप्रसाद दाहालसँग १२ करोड ३० लाख ३२ हजार २ सय २ रुपैयाँ र उपसचिव विष्णुप्रसाद पौडेलसँग २३ करोड ७७ लाख ५७ हजार ३ सय ५४ रुपैयाँ बिगो माग गर्दै मुद्धा दायर गरेको छ । यसैगरी उपसचिव नयराज नेपालसँग २५ करोड १३ लाख ३८ हजार ९ सय ९९ रुपैयाँ बिगो माग सहित अख्तियारले मुद्धा दायर गरेको छ । यसैगरी लेखा अधिकृतहरु कुमार बहादुर कटुवालसँग
संजय पंडित निधन

संजय पंडित निधन

National
संजय पंडित निधन पर्वतारोही तथा अल्ट्रा म्याराथन धावकका रुपमा विश्वसामु परिचय बनाइसकेका संजय पंडितको हिमाल चढ्ने क्रममा निधन भएको छ । विश्वकै सर्वोच्च शिखर सगरमाथा सहित विश्वका ११ वटा हिमाल चढिसकेका तथा हिमालमा विभिन्न कीर्तिमान समेत राखेका पंडितको निधन भने लेक लागेर भएको हो ।।
नेपालमा २ लाख युवा गम्भिर खालका लागु औषधी प्रयोग गर्ने खालका रहेको तथ्याङ्क बाहिर आएको छ ।

नेपालमा २ लाख युवा गम्भिर खालका लागु औषधी प्रयोग गर्ने खालका रहेको तथ्याङ्क बाहिर आएको छ ।

National
लागु औषध/पत्रकार नेपालमा २ लाख युवा गम्भिर खालका लागु औषधी प्रयोग गर्ने खालका रहेको तथ्याङ्क बाहिर आएको छ । लागु औषध दुरुयोग एवं ‌ओसार पसार विरुद्ध अन्तराष्ट्रिय दिवसको पुर्व सन्ध्यामा हिजो राजधानीमा आयोजना गरेको कार्यक्रममा उपचार नपाए मर्ने अवस्थामा रहेको जानकारी दिइयो । सो अवसरमा लागु औषध दुर्व्यवसनीहरु मध्ये करिव २६ हजार महिला रहेको र उनीहरु ती २ लाख मध्ये सवै भन्दा बढी जोखिममा रहेको जानकारी दिइयो । लागु औषधको ओसार पसार गर्ने क्रम कम हुँदै गएको भएपनि देश भित्र दुर्व्यवसनीहरुको संख्या बढेकाले माग कम गराउन नसक्दा समस्या जटिल वन्दै गएको सो अवसरमा बताइयो । हेरक बर्षको २६ जुनलाइ लागु औषध दुरुपयोग एवं ‌ओसारपसार बिरुद्ध अन्तराष्ट्रिय दिवसका रुपमा मनाउने गरिएको छ ।।
प्रम/सिएनआइ भेट

प्रम/सिएनआइ भेट

National
प्रम/सिएनआइ भेट प्रधानमन्त्री शेरबहादुर देउवाले मुलुकमा लगानीको वातावरण सिर्जना गरी लगानी प्रवर्द्धन गर्न सरकार प्रतिवद्ध रहेको बताउनु भएको छ । नेपाल उद्योग परिसंघको प्रतिनिधि मण्डलसंग आज सिंहदरवारमा भएको भेटका क्रममा प्रधानमन्त्री देउवाले सरकार मुलुकमा उद्योग व्यवसाय विस्तार गर्दै निजी क्षेत्रसंग सहकार्य गरी अगाडि बढ्ने बताउनु भयो । त्यसबखत परिसंघका पदाधिकारीहरुले ठूलो औद्योगिक क्षेत्र निर्माण गर्न सरकारले प्राथमिकता दिनुपर्ने, उद्योग व्यवसाय सम्बन्धी पुराना कानुनलाइ अध्यावधिक गर्नुपर्ने र उद्योगी व्यवसायीले वेहोर्नु परेका समस्या समाधान गर्न सरकारले ध्यान दिनुपर्ने जस्ता विषयमा प्रधानमन्त्रीको ध्यानाकर्षण गराउनु भएको थियो ।।
राष्ट्रपति/स्वदेश फिर्ता

राष्ट्रपति/स्वदेश फिर्ता

National
राष्ट्रपति/स्वदेश फिर्ता राष्ट्रपति विद्यादेवी भण्डारी स्वीट्जरल्याण्डको जेनेभामा आयोजित १०६ औ अन्तराष्ट्रिय श्रम संगठन अन्तरगत श्रममा महिला शिखर सम्मेलनमा भाग लिइ आज स्वदेश फर्कनु भएको छ । अन्तर्राष्ट्रिय श्रम संगठनका महानिर्देशकको निमन्त्रणामा राष्ट्रपति भण्डारी जेनेभा जानुभएको  थियो । राष्ट्रपति भण्डारीले सम्मेलनमा प्रमुख बक्ताको रुपमा संवोधन गर्नु भएको थियो । जेनेभा भ्रमणको क्रममा राष्ट्रपति भण्डारीले युरोपियन काउन्सील फर न्युकिलयर रिसर्च  र इन्टरनेशनल युनियन फर कन्जरभेसन अफ नेचरको मुख्यालय भ्रमण गर्नु भएको थियो । राष्ट्रपति भण्डारीलाइ स्वागत गर्न उपराष्ट्रपति नन्दबहादुर पुन, प्रधानमन्त्री शेरबहादुर देउवा, सभामुख ओनसरी घर्ती, उपप्रधानमन्त्रीहरु, लगायत विशिष्ट व्यक्तिहरु त्रिभुवन विमान स्थाल पुग्नु भएको थियो ।।
गृहमन्त्री जनार्दन शर्माले तराई मधेसका जनताको मताधिकार सुनिश्चित गर्न २ नम्बर प्रदेशको निर्वाचन सारिएको बताउनु भएको छ ।

गृहमन्त्री जनार्दन शर्माले तराई मधेसका जनताको मताधिकार सुनिश्चित गर्न २ नम्बर प्रदेशको निर्वाचन सारिएको बताउनु भएको छ ।

District News, National
रुकुम/गृहमन्त्री गृहमन्त्री जनार्दन शर्माले तराई मधेसका जनताको मताधिकार सुनिश्चित गर्न २ नम्बर प्रदेशको निर्वाचन सारिएको बताउनु भएको छ । निर्वाचन नसारेसम्म राष्ट्रिय जनता पार्टी चुनावमा आउन तयार नभएको र राजपा चुनावमा नआएसम्म शान्तिपुर्ण रुपमा निर्वाचन गर्न नसकिने भएकाले निर्वाचन सार्नुपरेको उहाँले बताउनु भयो । प्रेस सेन्टर नेपाल रुकुमले सदरमुकाम मुसिकोट खलंगामा आयोजना गरेको पत्रकार सम्मेलनमा गृहमन्त्री शर्माले राजपाको सहमतिमा नै निर्वाचन मिति सारिएको दाबी गर्नुभयो । साथै अहिले राजपा आफैले गरेको सहमति विपरित गएर आन्दोलन गरिरहेको भन्दै गृहमन्त्रीले यो कुरा राम्रो नभएको बताउनु भयो ।।
मुग्लिन नारायणघाट सडक खण्डको कालिखोलामा झरेको पहिरोले सडक अवरुद्ध/ पहिरो पन्छाएर सवारी आवागमन सहज वनाउने प्रयास जारी ।

मुग्लिन नारायणघाट सडक खण्डको कालिखोलामा झरेको पहिरोले सडक अवरुद्ध/ पहिरो पन्छाएर सवारी आवागमन सहज वनाउने प्रयास जारी ।

District News, National
धादिङ/सडक अवरुद्ध मुग्लिन नारायणघाट सडक खण्डमा पर्ने चितवनको ईच्छा कामना गाँउपालीका–६ स्थित कालिखोलामा गएराति पहिरो झरेपछि अबरुद्ध भएको सडकमा पहिरो केही पन्छाइए पनि सवारी आवागमन भने अझै सहज हुन सकेको छैन । विहानैदेखिको सवारी जामका कारण सो सडक भएर यात्रा गर्ने सयौ यात्रुहरु सडकमा नै अलपत्र भएका छन् । पहिरो एकतर्फी मात्र हटाएकोले गर्दा सवारी आवागमनमा सहजता आउन नसकेको हो । सवारी सुचारु गर्नका लागि अहिले दुबै तर्फ सवारी बन्द गरी पहिरो पन्छाउने काम भई रहेको मुग्लिन नरायणघाट सडक आयोजनाले जनाएको छ । बेलुकीसम्मा सबै अवरोध पन्छाई दुबै तर्फ सवारी सुचारु गराउने प्रयास भई रहेको आयोजनाको भनाइ छ ।।
काठमाडौँको गोकर्णेश्वर रुप्सेटारमा रहेको एउटा कृषि फर्ममा आगोलागी/गोठमा रहेका ४५ वटा गाइ मरे/७० वटा घाइते ।

काठमाडौँको गोकर्णेश्वर रुप्सेटारमा रहेको एउटा कृषि फर्ममा आगोलागी/गोठमा रहेका ४५ वटा गाइ मरे/७० वटा घाइते ।

National
आगोलागी/सुन्दरीजल काठमाडौँको गोकर्णेश्वर नगरपालिका वडा नम्बर १ रुप्सेटारमा आज आगोलागी हुँदा गोठमा राखिएका ४५ वटा गाई मरेका छन् । रुप्सेटारस्थित ओम कृषि फार्ममा आगलागी हुँदा ४५ वटा गाइ मर्नुका साथै ७० वटा घाइते भएको महानगरीय प्रहरी वृत्त बौद्धले जनाएको छ ।  विद्युतसर्ट भई आगोलागी भएको बताइएको छ । नेपाल प्रहरी र स्थानीयबासीले दुई वटा दमकलको सहयोगमा बिहान ११ बजे लागेको आगो अपराह्न १ बजे नियन्त्रणमा लिएका थिए ।  प्रहरीका अनुसार आगलागीबाट १० टन दाना र एक थान जेनेरेटर जल्नुका साथै गाई बस्ने टहरामा क्षति पुगेको छ । फार्ममा ७५ वटा दुहुनो, २२ वटा ब्याउने र बाच्छाबाच्छी गरी १२२ वटा गाई थिए ।।