Wednesday, February 21

Sports

आइसिसी विश्व क्रिकेट लिग डिभिजन २ मा नेपाल उपविजेता/हिजो भएको खेलमा युएईसँग ७ रनले पराजित

आइसिसी विश्व क्रिकेट लिग डिभिजन २ मा नेपाल उपविजेता/हिजो भएको खेलमा युएईसँग ७ रनले पराजित

National, Sports
डिभिजन टु क्रिकेट आइसिसी विश्व क्रिकेट लिग डिभिजन २ मा नेपालले उपविजेतामा चित्त बुझाएको छ । नामिवियास्थित विन्डहोकस्थित वन्डर्रस क्रिकेट मैदानमा भएको खेलमा नेपाल युएइसँग पराजित भएपछि उपविजेतामा सीमित बनेको हो । २ सय ७८ रनको लक्ष्य पच्छाएको नेपाल युएइसँग सात रनले पराजित भएको हो । कप्तान पारस खड्काले एक सय १२ रन वनाए पनि जितका लागि पर्याप्त भएन । एक सय तीन बल खेलेका पारसले आठ छक्का र ३ चौकाको मद्दतमा अविजित १ सय १२ रन बनाएका हुन् । यसअघि टस जितेर पहिले ब्याटिङ गरेको युएइले निर्धारित ५० ओभरमा चार विकेट गुमाउँदै २ सय ७७ रन बनाएको थियो । ६ खेलमा १७ विकेट लिएका सन्दिप लामिछाने प्रतियोगिताको सर्वोकृष्ट खेलाडि घोषित भए भने कप्तान पारस खड्का सवै भन्दा बढि रन वनाउने खेलाडि वने । उनले प्रतियोगिता भरी २ सय ४१ रन वनाएका थिए ।।
आइसिसी विश्व क्रिकेट लिग डिभिजन –२ मा नामिवियालाई १ विकेटले पराजित गर्दै नेपाल विजयी/ नेपाल आज ओमनसँग खेल्ने ।।

आइसिसी विश्व क्रिकेट लिग डिभिजन –२ मा नामिवियालाई १ विकेटले पराजित गर्दै नेपाल विजयी/ नेपाल आज ओमनसँग खेल्ने ।।

Sports
नेपाल नामिविया क्रिकेट आइसिसी विश्व क्रिकेट लिग डिभिजन –२ मा नेपाल विजयी भएको छ । नामिबियाको विन्डहकस्थित एफिज पार्क मैदानमा भएको उद्घाटन खेलमा नेपालले उत्कृष्ट बलिङसहित नामिवियालाई १ विकेटले पराजित गरेको हो । टस हारेर पहिले ब्याटिङ गरेको नामिबियाले नेपाललाई जीतका लागि १३९ रनको लक्ष्य दिएको थियो । जवाफी ब्याटिङमा उत्रेको नेपालले ४९ दशमलव २ ओभरमा ९ विकेट गुमाएर लक्ष्य भेट्टायो । त्यसअघि पहिले ब्याटिङ गरेको नामिबिया निर्धारित ५० ओभरको खेलमा ३४.२ ओभरमा सबै विकेट गुमाउँदै १३८ रनमा समेटिएको थियो । नेपालले आज आफ्नो दोस्रो खेल ओमनसँग खेल्नेछ । हिजै भएको अर्को खेलमा क्यानडाले ओमनलाई पराजित गरेको थियो भने संयुक्त अरब इमिरेट्सले केन्यालाई पराजित गरेको थियो ।।
लेग स्पिनर सन्दिप लामिछाने इन्डीयन प्रिमियर लिग (आइ पि एल) मा खेल्ने / सन्दिप देल्ली डेयर डेविल्ससंग अनुबन्धित

लेग स्पिनर सन्दिप लामिछाने इन्डीयन प्रिमियर लिग (आइ पि एल) मा खेल्ने / सन्दिप देल्ली डेयर डेविल्ससंग अनुबन्धित

Sports
सन्दीप/आइपीएल लेग स्पिनर सन्दिप लामिछाने इन्डीयन प्रिमियर लिग (आइ पि एल) मा अनुबन्ध हुने पहिलो नेपाली खेलाडी भएका छन । आइ पि एलको लागी हिजो भएको खेलाडी अक्सनमा नेपाली खेलाडी सन्दीपलाइ दिल्ली डेयर डेभिल्सले भारु २० लाख रुपैयाँमा खरिद गरेको हो । १७ वर्षिय सन्दीप (आइ पि एल) मा अनुबन्ध भइ इतिहास कायम गरेको समाचार अहिले सामाजिक संजालमा छाएका छन । ५ सय ७८ जना अक्सन खेलाडीको सूचीमा सन्दिप २ सय ७८ नम्बरमा थिए । डेयर डेभिल्सले ट्विट मार्फत सन्दिपलाइ आफ्नो टिममा खेलाउन पाएकोमा खुशी ब्यक्त गर्दै स्वागत गरेको छ । आइ सिसि वर्ल्ड क्रिकेट लिग डिभिजन टु को तयारीको लागी सन्दिप अहिले संयुक्त अरब इमिरेट्स (युएइ)मा छन ।।
थ्री स्टार क्लब ईटहरीमा सम्पन्न मदन भण्डारी मेमोरियल अन्तर्राष्ट्रिय आमन्त्रण गोल्डकपको उपाधि जित्न सफल/उपाधिसँगै १२ लाख रुपैयाँ पुरस्कार प्राप्त

थ्री स्टार क्लब ईटहरीमा सम्पन्न मदन भण्डारी मेमोरियल अन्तर्राष्ट्रिय आमन्त्रण गोल्डकपको उपाधि जित्न सफल/उपाधिसँगै १२ लाख रुपैयाँ पुरस्कार प्राप्त

Sports
भण्डारी फुटबल/ईटहरी मनाङ–मस्र्याङदी क्लबलाई १–० गोल अन्तरले पराजित गर्दै ईटहरीमा सम्पन्न मदन भण्डारी मेमोरियल अन्तर्राष्ट्रिय आमन्त्रण गोल्डकपको उपाधि थ्री स्टार क्लबले जितेको छ । झण्डै दुई वर्षसम्म फुटबल खेल मैदान बाहिर रहेको थ्री स्टारका तर्फबाट बुद्ध चेम्जोङले गरेको गोल निर्णायक बनेको थियो । उपाधिसँगै थ्री स्टारले १२ लाख रुपैयाँ हात पारेको छ । थ्री स्टारका अनन्त तामाङ प्रतियोगिताको सर्वोत्कृष्ट खेलाडी घोषित भए भने सोहि क्लबका प्रशिक्षक मेघराज केसीले उत्कृष्ट प्रशिक्षकको उपाधि हात पारे । उपविजेता मनाङ मर्स्याङदी क्लबले पाँच लाख रुपैयाँ जितेको छ । विजेता तथा उपविजेता टोलीलाई राष्ट्रिय खेलकुद परिषद्का सदस्य–सचिव केशवकुमार विष्टले शिल्ड र उपाधि प्रदान गर्नुभयो ।।
राष्ट्रिय च्याम्पियनसिप पुरुष फुटबल प्रतियोगिताको उपाधि नेपाल पुलिस क्लवलाइ/ टाइब्रेकरमा त्रिभुवन आर्मि क्लब पराजित

राष्ट्रिय च्याम्पियनसिप पुरुष फुटबल प्रतियोगिताको उपाधि नेपाल पुलिस क्लवलाइ/ टाइब्रेकरमा त्रिभुवन आर्मि क्लब पराजित

Sports
फूटबल फाइनल २८ औं राखेप कप राष्ट्रिय च्याम्पियनसिप पुरुष फुटबल प्रतियोगीताको उपाधी नेपाल पुलीस क्लवले जितेको छ । टाई ब्रेकरमा त्रिभुवन आर्मिलाई हराउदै पुलिस उपाधी जित्न सफल भएको हो । घोराहीको भरतपुर खेल मैदानमा त्रिभुवन आर्मि र नेपाल पुलिस क्लव बिच भएको फाइनलमा निर्धारित ९० मिनेट सम्म कुनै पनि गोल हुन नसकेपछि सिधै टाई ब्रेकरमा खेलाईएको थियो । टाई ब्रेकरमा आर्मीका राजिव गुरुङले प्रहार गरेको बल गोलमा परिणत हुन नसकेपछि पुलीस क्लव बिजयी भएको हो । तेस्रो स्थानका लागी भएको अर्को खेलमा शसस्त्र प्रहरि बल एपिएफ विजयी भएको छ । निर्धारित समयमा सुदुर पश्चिमसँग २/२ गोलको बराबरी भएपछि टाई ब्रेकरबाट एपिएफ बिजयी भएको हो । माघ २ गतेदेखी दाङमा सुरु भएको राष्ट्रिय च्याम्पेनसिप पुरुष फुटबल प्रतियोगीतामा तिन बिभागिय टिम सहित ८ टिमको सहभागिता रहेको थियो ।।
खप्तड गोल्डकपको उपाधी त्रिभुवन आर्मी क्लबलाइ/फाईनल खेलमा एपिएफ क्लब पेनाल्टी सुटआउटमा पराजित

खप्तड गोल्डकपको उपाधी त्रिभुवन आर्मी क्लबलाइ/फाईनल खेलमा एपिएफ क्लब पेनाल्टी सुटआउटमा पराजित

Sports
खप्तड गोल्डकप सुदूरपश्चिम खप्तड गोल्डकप फुटबल प्रतियोगिताको उपाधि विभागीय टोली त्रिभुवन आर्मी क्लबले जितेको छ । धनगढीमा हिजो सम्पन्न फाइनल खेलमा अर्को विभागीय टोली सशस्त्र प्रहरी बलको एपिएफ क्लबलाई पेनाल्टी सुटआउटमा पराजित गर्दै आर्मीले उपाधी जितेको हो । निर्धारित समयमा दुवै टोलीबाट गोल हुन नसकेपछि भएको पेनाल्टी सुटआउटमा आर्मीले सशस्त्रलाई ४ विरुद्ध ५ गोलले पराजित गरेको हो । उपाधिसँगै आर्मीले ११ लाख ११ हजार १११ रुपैयाँसहित ट्रफी र प्रमाणपत्र प्राप्त गरेको छ । उपविजेता एपिएफले ५ लाख ५५ हजार ५५५ रुपैयाँ पुरस्कार प्राप्त गरेको छ । प्रतियोगितामा आर्मीका भरत खवास उत्कृष्ट खेलाडी र आर्मीकै विकेश कुथु उत्कृष्ट गोलकिपर घोषित भए । त्यसैगरी उत्कृष्ट डिफेन्डर एपिएफका टोप विष्ट, उत्कृष्ट फरवार्ड आर्मीका सन्तोष तामाङ र राइजिङ प्लेयर सुदूरपश्चिम–११ का गोलकिपर अमानत शेखलाई घोषणा ग
ललितपुरलाई ३ विकेटले हराउँदै भैरहवा ग्लाडियटर्स इपिएल क्रिकेटको फाइनलमा/ उपाधिका लागि भोलि विराटनगरसंग भीड्ने

ललितपुरलाई ३ विकेटले हराउँदै भैरहवा ग्लाडियटर्स इपिएल क्रिकेटको फाइनलमा/ उपाधिका लागि भोलि विराटनगरसंग भीड्ने

Sports
इपिएल/क्वालिफायर एभरेष्ट प्रिमियर लिग इपीएलको फाइनल खेल भोलि हुँदैछ । इपीएलको उपाधीका लागि विराटनगर र भैरहवाबीच प्रतिस्पर्धा हुनेछ । बिराटनगर अपराजित रहँदै फाइनलसम्म पुगेको हो । यसअघि हिजो भएको दोस्रो क्वालिफायरमा ललितपुर प्याट्रियट्सलाइ ३ विकेटले हराउदै भैरहवा फाइनलमा प्रवेश गरेको हो । ललितपुरले दिएको १ सय ३३ रनको लक्ष्य भैरहवाले १९ ओभर ३ बल खेली ७ विकेटको क्षतिमा भेट्टायो । भैरहवाका लागी प्रथम सालुन्चेले ३२ तथा रोहित कुमार पौडेलले अविजित २७ रनको योगदान गरे । त्यसअघि पहिलो ब्याटिङ गरेको ललितपुरले २० ओभरमा ६ विकेटको क्षतिमा १ सय ३२ रन बनाएको थियो । ललितपुरका लागि विदेशी खेलाडी जयकिशन कोल्सावालाले सर्वाधिक ४२ रन बनाएका थिए । यस्तै भैरहवाका पुनित मेहराले २ विकेट लिए भने ललितपुरका लागि ललित राजवंशी र पवन सर्राफले समान २-२ विकेट लिए ।।
एभरेष्ट प्रिमियर लिग अन्तर्गत आज प्लेअफ खेल हुने/पहिलो प्ले अफमा बिराटनगर र भैरहवा तथा दोस्रोमा ललितपुर र पोखराले प्रतिस्पर्धा गर्दै

एभरेष्ट प्रिमियर लिग अन्तर्गत आज प्लेअफ खेल हुने/पहिलो प्ले अफमा बिराटनगर र भैरहवा तथा दोस्रोमा ललितपुर र पोखराले प्रतिस्पर्धा गर्दै

Sports
इपिएल/क्रिकेट ललितपुर प्याट्रियट एभरेष्ट प्रिमियर लिग ट्वेन्टी-ट्वेन्टी क्रिकेटको प्ले अफमा प्रवेश गरेको छ । किर्तिपुरस्थित त्रिवि क्रिकेट मैदानमा भएको लिग चरणको अन्तिम खेलमा आज पोखरा राइनोजलाई ४ विकेटले हराउँदै ललितपुर प्ले अफमा प्रवेश गरेको हो । हिजोको खेलमा पराजय ब्यहोरे पनि पोखरा प्ले अफमा प्रवेश गरेको छ । अब पोखराले प्ले अफमा पनि ललितपुरसंगै प्रतिस्पर्धा गर्नेछ । बिराटनगर वारियर्स र भैरहवा ग्लाटिएटर्स यस अघिनै क्वालीफायर चरणमा प्रवेश गरिसकेका छन् । प्रतियोगिता अन्तर्गत बिराटनगर र भैरहवावीच आज हुने पहिलो प्ले अफको विजेता सिधै फाइनलमा प्रवेश गर्ने छ । यसैगरी पोखरा र ललितपुरवीच आजै दोस्रो प्ले अफ खेल हुनेछ । दोस्रो प्ले अफमा विजेता बन्ने टिमले पहिलो प्ले अफमा पराजित टिमसंग फाइनल प्रवेशका लागी पुनः खेल्नु पर्ने छ ।।
एभरेष्ट प्रिमियर लिगमा लगातार चौथो जितसँगै विराटनगर अघिल्लो चरणमा/ हिजोको खेलमा पहिलो जित निकालेको चितवन अंक तालिकाको पुछारमा

एभरेष्ट प्रिमियर लिगमा लगातार चौथो जितसँगै विराटनगर अघिल्लो चरणमा/ हिजोको खेलमा पहिलो जित निकालेको चितवन अंक तालिकाको पुछारमा

Sports
इपिएल क्रिकेट काठमाडौमा जारी एभरेष्ट प्रिमियर लिग क्रिकेट प्रतियोगितामा लगातार चौथो जित निकालेको विराटनगर वारियर्स ८ अंक सहित तालिकाको शीर्ष स्थानमा छ । त्यसैगरी ३ खेलमा २-२ खेल जितेका पोखरा राइनोज र भैरहवा ग्लाडिएटर्स दोस्रो र तेस्रो स्थानमा छन् भने चार खेलमा १-१ खेल मात्र जितेका ललितपुर प्याट्रियट्स, काठमाडौ किंग्स र चितवन टाइगर्स चौथो, पाँचौ र छैंटौ स्थानमा छन् । यसैबीच हिजो भएको पहिलो खेलमा विराटनगर वारियर्सले भैरहवा ग्लाडिएटर्सलाई ३५ रनले पराजित गरेको छ । विराटनगरले दिएको १ सय ५० रनको लक्ष्य पछ्याएको भैरहवा १८ ओभर ३ बलमा १ सय १४ रनमा अलआउट भएपछि विराटनगर ३५ रनले विजयी भएको हो । विराटनगरको यो लगातार चौथो जित हो हिजै भएको अर्को खेलमा चितवन टाइगर्सले ललितपुर प्याट्रियोट्सलाई ५ विकेटले हरायो । एभरेष्ट प्रिमियर लिग क्रिकेटमा चितवन टाइगर्सको भने यो पहिलो जित हो ।।
एभरेष्ट प्रिमियर लिग अन्तर्गत हिजो भएका खेलमा पोखरा राइनोज र बिराटनगर वारियर्स विजयी/चितवन र ललितपुर पराजित

एभरेष्ट प्रिमियर लिग अन्तर्गत हिजो भएका खेलमा पोखरा राइनोज र बिराटनगर वारियर्स विजयी/चितवन र ललितपुर पराजित

Sports
इपिएल/क्रिकेट एभरेष्ट प्रिमियर लिग प्रतियोगिता अन्तर्गत आज पहिलो खेल बिराटनगर र पोखरा तथा दोस्रो खेल भैरहवा ग्लाडिएटर्स र काठमाण्डौ किङ्ग्स एलेभनवीच हुने भएको छ । हिजो भएका खेलमा पोखरा राइनोज र बिराटनगर वारियर्स विजयी भएका छन् । किर्तिपुरको त्रिवी क्रिकेट मैदानमा भएको पहिलो खेलमा पोखराले चितवन टाइगर्सलाइ १० विकेटले पराजित गर्‍यो । चितवनले दिएको १ सय १४ रनको लक्ष्य पोखराले विना कुनै विकेट गुमाइ भेट्टायो । हिजै भएको दोस्रो खेलमा बिराटनगरले ललितपुर प्याट्रियट्सलाइ ६ रनको झीनो अन्तरले पराजित गरी विजयी सुरुवात गर्यो । बिराटनगरले दिएको १ सय ५१ रनको लक्ष्य पछ्याएको ललितपुर पुरै २० ओभर खेली ४ विकेटको क्षतिमा १ सय ४४ रनमा रोकियो ।।