Thursday, August 17

World News

त्तर कोरियाका नेता किम जोङ उनले अमेरिकाको आगामी सैनिक गतिविधि हेरेर आवश्यक निर्णय गर्ने बताउनुभएको छ ।

त्तर कोरियाका नेता किम जोङ उनले अमेरिकाको आगामी सैनिक गतिविधि हेरेर आवश्यक निर्णय गर्ने बताउनुभएको छ ।

World News
उत्तर कोरिया/धम्की फिर्ता उत्तर कोरियाका नेता किम जोङ उनले अमेरिकाको आगामी सैनिक गतिविधि हेरेर आवश्यक निर्णय गर्ने बताउनुभएको छ । यसैबीच चीनले उत्तर कोरियाबाट कोइला, फलाम र फलाम बनाउने कच्चा पदार्थ तथा सामुन्द्रिक खाना आयात गर्न रोक लगाएको छ । उत्तर कोरियाको आणविक कार्यक्रम र क्षेप्यास्त्र परीक्षण रोक्न माग गर्दै संयुक्त राष्ट्रसंघले सो राष्ट्र विरुद्ध नाकाबन्दी लगाउँदै आएको छ । राष्ट्रसंघको नाकाबन्दी घोषणा कार्यान्वयन गर्ने क्रममा चीनले पनि आयातमा प्रतिबन्ध लगाएको छ । उत्तर कोरियाले प्रशान्त महासागरीय टापु ग्वाममा आक्रमण गर्ने योजना हाललाई स्थगित गरेको छ । अमेरिकाको नियन्त्रणमा रहेको र अमेरिकाको हवाई अखडा समेत रहेको सो टापु माथि उत्तर कोरियाले क्षेप्यास्त्र हान्ने चेतावनी दिएपछि अमेरिका र उत्तर कोरियाबीच वाकयुद्ध शुरु भएको थियो । यसैबीच दक्षिण कोरियाले आफ्नो देशसँ
नाइजेरियाको मैदुगिरी शरणार्थी शिविरमा बोको हराम समर्थक ३ जना महिला आत्मघातीद्वारा बम बिस्फोट/२७ जनाको मृत्यु ।।

नाइजेरियाको मैदुगिरी शरणार्थी शिविरमा बोको हराम समर्थक ३ जना महिला आत्मघातीद्वारा बम बिस्फोट/२७ जनाको मृत्यु ।।

World News
नाइजेरिया/बम नाइजेरियाको उत्तर पूर्वी भागमा ३ जना महिला आत्मघातीले बम बिस्फोट गराउँदा २७ जनाको मृत्यु भएको छ । बोर्नो राज्यको मैदुगिरी शरणार्थी शिविरमा सो आक्रमण भएको हो । सो क्षेत्रमा उग्रवादी इस्लामिक संगठन बोको हरामले विगतमा पनि हिंसात्मक आक्रमण गरेको थियो । बोको हराम संगठनले नाइजेरियामा सन् २००९ देखि हिंसात्मक गतिविधि संचालन गर्दै आएको छ । नाइजेरियालाई इस्लामिक गणतन्त्र बनाउने उद्देश्यले सो संगठनले हिंसात्मक गतिविधि चलाएको हो । नाइजेरिया सरकारले गत वर्ष नै बोको हराम पराजित भइसकेको दावी गरेको थियो ।।
सिएरा लिओनमा व्यापक बर्षापछि आएको बाढी र पहिरोमा परी २ सय भन्दा बढीको मृत्यु/सयौं अझै वेपत्ता ।

सिएरा लिओनमा व्यापक बर्षापछि आएको बाढी र पहिरोमा परी २ सय भन्दा बढीको मृत्यु/सयौं अझै वेपत्ता ।

World News
सियरालियोन/पहिरो सिएरा लिओनमा व्यापक बर्षापछि आएको बाढी र पहिरोमा परी २ सय भन्दा बढीको मृत्यु भएको छ । पहिरोमा परि कैयौ मानिस पुरिएकाले मृत्यु हुनेहरुको संख्या अझ बढ्न सक्ने पनि जनाइएको छ । सिएरा लियोनको राजधानी फ्रिटाउनको पश्चिमी भाग रेजेन्टमा दर्जनौं घरहरू पुरिएका छन् । सो ठाउँमा सयौँ मानिस पुरिएको अनुमान गरिएको छ । व्यापक बर्षापछि ठूलो पहाड मानवबस्तीमा खस्दा माटोले पुरिएर सयौँको मृत्यु भएको हो । उद्धारमा सेना तथा प्रहरीका सयौं अधिकारी तथा स्थानीय स्वयंसेववक खटाइएको सिएरा लियोनको राष्ट्रिय टेलिभिजन च्यानलले जनाएको छ । घटना राति सुतिरहेको समयमा भएकाले कैयौँ व्यक्ति निदाएका वेला घरभित्र पुरिएका थिए ।।
भेनेजुएलाको राजनैतिक गतिरोध अन्त्य गर्न सैनिक हस्तक्षेप गर्ने अमेरिकाको चेतावनी/भेनेजुएलाद्वारा अमेरिकी चेतावनीको बिरोध ।।

भेनेजुएलाको राजनैतिक गतिरोध अन्त्य गर्न सैनिक हस्तक्षेप गर्ने अमेरिकाको चेतावनी/भेनेजुएलाद्वारा अमेरिकी चेतावनीको बिरोध ।।

World News
भेनेजुएला/मदुरो भेनेजुएलाका राष्ट्रपति निकोलस मदुरोले आफ्नो देश अमेरीकासँग युद्ध गर्न तयार भएको बताउनुभएको छ । अमेरीकी राष्ट्रपति डोनाल्ड ट्रम्पले भेनेजुएलाको राजनैतिक गतिरोध अन्त्य गर्न सैनिक हस्तक्षेप गर्ने चेतावनी दिएपछि राष्ट्रपति मदुरोले युद्ध अभ्यास गर्न सेना प्रमुखलाई आदेश पनि दिनुभएको छ । राष्ट्रपति मदुरोको आदेश अनुसार यही अगस्ट २६ र २७ गते सैनिक अभ्यास हुने जनाईएको छ । राष्ट्रपति मदुरोको आह्वानमा भेनेजुएलाको राजधानी कराकासमा अमेरिकाको विरुद्ध प्रदर्शन भएको छ । भेनेजुएलाका राष्ट्रपति मदुरोको विरुद्ध विगत ५ महिनादेखी प्रदर्शन र हड्ताल हुदैँ आएकोले सो राष्ट्रको आर्थिक अवस्था नाजुक भएको छ ।।
भारतको हिमाञ्चल प्रदेशमा पहिरोले २ वटा बस बगाउँउँदा कम्तीमा ४५ जनाको मृत्यु/५ जना घाइते ।।

भारतको हिमाञ्चल प्रदेशमा पहिरोले २ वटा बस बगाउँउँदा कम्तीमा ४५ जनाको मृत्यु/५ जना घाइते ।।

World News
भारत/बस पहिरो मृत्यु भारतमा मनसुनी वर्षाका कारण आएको पहिरोले २ वटा यात्रुवहाक बसलाई धकेलेर सडकमुनीको ठूलो खाल्डोमा खसाउँदा सो बसमा रहेका मध्ये कम्तीमा ४५ जनाको मृत्यु भएको छ । हिमाञ्चल प्रदेशको मण्डी जिल्लामा श्रमिक विश्रामको लागी रोकिएका ती बसहरुलाई सडक माथिबाट आएको पहिरोले बगाएर ठूलो खोल्सेमा खसाएको थियो । सो दुर्घटनामा घाइते भएका ५ जनालाई उद्धार तथा खोजीकार्यमा जुटेको सेनाले उद्धार गरेको छ । विगत केही दिनदेखि आएको वर्षाका कारण समिलाको २ सय किलोमिटर सडकले बगाएको छ । सडकका सवारी साधन र राजमार्ग छेउका घर बस्तीलाई पनि बगाएको छ । सो प्राकृतिक प्रकोपमा परी कैयौं वेपत्ता भएका कारण मृतकको संख्या अझ बढ्न सक्ने आशंका गरिएको छ ।।
इजिप्टमा २ वटा रेल एक आपसमा ठोक्किंदा मृत्यु हुनेको संख्या ४१ पुग्यो/१ सय २० जना घाइते ।।

इजिप्टमा २ वटा रेल एक आपसमा ठोक्किंदा मृत्यु हुनेको संख्या ४१ पुग्यो/१ सय २० जना घाइते ।।

World News
इजिप्ट/रेल दुर्घटना इजिप्टको अलेक्जेन्ड्रिया शहरमा २ वटा रेल एक आपसमा ठोक्किंदा ४१ जनाको मृत्यु हुनाको साथै १ सय २० जना घाइते भएका छन् । एउटा रेल राजधानी कायरोबाट अलेक्जेन्ड्रियातर्फ जाँदै गरेको र अर्को राजधानी कायरोतर्फ जाँदै गरेको थियो । एक्कासी एउटा रेल बिग्रिएर रोकिएपछि विपरित दिशाबाट आएको रेल त्यसमा ठोक्किएको प्रत्यक्षदर्शीको भनाई छ ।।
अमेरिकी राष्ट्रपति डोनाल्ड ट्रम्पद्वारा उत्तर कोरिया विरुद्ध आक्रमणको पूर्ण तयारी गरिएको चेतावनी ।।

अमेरिकी राष्ट्रपति डोनाल्ड ट्रम्पद्वारा उत्तर कोरिया विरुद्ध आक्रमणको पूर्ण तयारी गरिएको चेतावनी ।।

World News
अमेरिकी राष्ट्रपति डोनाल्ड ट्रम्पले उत्तर कोरिया विरुद्ध सैनिक कारवाही गर्न आफ्नो देश पूर्ण तयार रहेको बताउनु भएको छ । उत्तर कोरियाली नेता किम जोङ उनले विवेकहीन निर्णय नगर्ने कुरामा आफू विश्वस्त रहेको पनि अमेरिकी राष्ट्रपति ट्रम्पको भनाई छ । उत्तर कोरियाली सरकारले अमेरिकी हवाई सेनाको अखडा रहेको ग्वाम टापुमा आक्रमण गर्ने चेतावनी दिएपछि अमेरिकी राष्ट्रपतिले सो प्रतिक्रिया दिनुभएको हो । अमेरिकी राष्ट्रपतिले आफू अमेरिका र सम्बद्ध राष्ट्रहरुको सुरक्षाप्रति गम्भीर रहेको पनि बताउनुभएको छ । यसैबीच रसियाका विदेशमन्त्री सेर्गेइ लाभरोभले अमेरिकी र उत्तर कोरियाबीचको वाकयुद्धले रसियालाई चिन्तित पारेको बताउनुभएको छ । जर्मनीका चान्सलर एन्जेला मर्केलले पनि युद्ध कुनैपनि समस्याको समाधान नहुने विचार व्यक्त गर्नुभएको छ ।।
अमेरिका विरुद्ध उठाइएको नकारात्मक कदमले उत्तर कोरियालाई ठूलो नोक्सानी हुने अमेरिकी राष्ट्रपतिको चेतावनी ।।

अमेरिका विरुद्ध उठाइएको नकारात्मक कदमले उत्तर कोरियालाई ठूलो नोक्सानी हुने अमेरिकी राष्ट्रपतिको चेतावनी ।।

World News
अमेरिका/उत्तर कोरिया अमेरीकी राष्ट्रपति डोनाल्ड ट्रम्पले अमेरीका विरुद्ध उठाईएको नकरात्मक कदमले उत्तर कोरीयालाई ठुलो नोक्सान हुने चेतावनी दिनुभएको छ । उहाँले अन्य केही राष्ट्रहरुले भोगेको समस्या नभोग्न आफ्नो निर्णय संयमताका साथ लिन उत्तर कोरीयालाई चेतावनी दिनुभयो । उत्तर कोरीयाले अमेरीकी क्षेत्र गुआम नजिकै ४ वटा क्षेप्यास्त्र प्रहार गर्ने तयारी गरि रहेको खबर प्रति प्रतिक्रिया दिदै सो कुरा बताउनुभएको हो । हालसम्मै उत्तर कोरीयाले लामो तथा मध्यम दुरीको क्षेप्यास्त्र परिक्षण गरेपछि अमेरीका र उत्तर कोरीयाबिचको तनाव उचाईमा पुगेको छ ।।
उत्तर कोरियालाई आफ्नो शासन अन्त्य हुने तथा जनताको नाश हुने कुनै पनि काम नगर्न अमेरिकाको चेतावनी ।।

उत्तर कोरियालाई आफ्नो शासन अन्त्य हुने तथा जनताको नाश हुने कुनै पनि काम नगर्न अमेरिकाको चेतावनी ।।

World News
अमेरिका/उत्तर कोरिया अमेरिकी रक्षामन्त्री जीम म्याटिसले उत्तर कोरीयालाई आफ्नो शासन अन्त्य हुने तथा जनताको नाश हुने कुनै पनि काम नगर्न चेतावनी दिनु भएको छ । पेन्टागनका प्रमुख रक्षा मन्त्री म्याटिसले अमेरीका र अमेरीकी गठबन्धन राष्ट्रसँग युद्ध गर्ने निहु खोज्नु मुर्खता हुने बताउनुभयो । राष्ट्रपति डोनाल्ड ट्रम्पले उत्तर कोरीयालाई थप दबाब दिए लगत्तै उत्तर कोरीयाले अमेरीकी बमबर्षक विमानको आधार शिविर रहेको गुआममा आक्रमण गर्ने चेतावनी दिएपछि सो अमेरीकी चेतावनी आएको हो । अमेरीकी तथा उत्तर कोरीयाबिच युद्धको चेतावनीयुक्त भनाई सार्वजनिक हुन थालेपछि त्रसित अमेरीकी नागरिकलाई अमेरीकी विदेशमन्त्री रेक्स टिलरसनले तत्कालै कुनै अनिष्ट दुर्घटनाको आशंका नगर्न आग्रह गर्नु भएको छ ।।
चीनको सिचुवान प्रान्तमा ६ दशमलब ५ रेक्टर स्केलको भुकम्प/कम्तीमा ५ जनाको मृत्यु, ६० भन्दा बढी घाईते ।।

चीनको सिचुवान प्रान्तमा ६ दशमलब ५ रेक्टर स्केलको भुकम्प/कम्तीमा ५ जनाको मृत्यु, ६० भन्दा बढी घाईते ।।

World News
चीन/भूकम्प मृत्यु चीनको सिचुवान प्रान्तमा ६ दशमलब ५ रेक्टर स्केलको भुकम्प गएको छ । सो भुकम्पमा परी कम्तीमा ५ जनाको मृत्यु भएको छ भने ६० जना भन्दा बढी व्यक्ती घाईते भएका छन् । चीनको दक्षिण पश्चीमी क्षेत्र सिचुवानमा केन्द्रविन्दु रहेको सो भुकम्पले कैयन भवन ध्वस्त हुनका साथै युनेस्कोको विश्व सम्पदा सुचीमा रहेको विश्वको प्रशिद्ध प्राकृतिक संम्पदालाई पनि नोक्सान पुर्याएको छ । सिचुवान प्रान्तमा सन् २००८ मा गएको भुकम्पमा ७० हजार भन्दा बढी मानिसको मृत्यु भएको थियो ।।