Tuesday, July 25

NTV NEWS

बागलुङको बडिगाड गाउँपालिका ग्वालीचौरमा बादिपमा जिप दुर्घटना/४ जनाको मृत्यु/६ जना घाइते ।

बागलुङको बडिगाड गाउँपालिका ग्वालीचौरमा बादिपमा जिप दुर्घटना/४ जनाको मृत्यु/६ जना घाइते ।

District News, National
बाग्लुङ/दुर्घटना मृत्यु बागलुङको बडिगाड गाउँपालिका वडा नं. ५ ग्वालीचौरको बादिपमा जिप दुर्घटना हुँदा ४ जनाको मृत्यु भएको छ । सो दुर्घटनामा ६ जना घाइते भएका छन् । घाइते मध्ये ३ जनाको अवस्था गम्भीर रहेको छ । जलजलाबाट खर्वाङ तर्फ आउँदै गरेको सो जिप ब्रेक फेल भई सडकबाट झण्डै ७ सय मिटर तल खसेको थियो । सो दुर्घटनामा मृत्यु हुनेहरुमा वडिगाड गाउँपालिकाका हुमेन काउचा, मुक्त पाइजा, नर वहादुर शेर्वुजा  र गाडिचालक तुल वहादुर पुन रहेका छन । घाइते मध्ये भिमबहादुर सेर्वुजा, टेकबहादुर पाइजा र दिपशिखा पाइजाको अवस्था गम्भीर रहेको बताइएको छ । सो दुर्घटनामा बालमति पाइजा, दिनेश पाइजा र भिम बहादुर श्रीस घाइते भएका छन । घाइतेहरुलाइ थप उपचारका लागि हेलिकप्टर मार्फत काठमाण्डौ लैजाने प्रयास भइरहेको जनाइएको छ ।।
भारतलाई ९ रनले हराउँदै इंग्ल्याण्डले आइसिसी महिला क्रिकेट विश्वकपको उपाधि जितेको छ

भारतलाई ९ रनले हराउँदै इंग्ल्याण्डले आइसिसी महिला क्रिकेट विश्वकपको उपाधि जितेको छ

Sports
भारत-इङल्याण्ड/महिला क्रिकेट भारतलाई ९ रनले हराउँदै इंग्ल्याण्डले आइसिसी महिला क्रिकेट विश्वकपको उपाधि जितेको छ । हिजो इङल्याण्डको लर्ड्समा भएको फाइनल खेलमा भारतलाई हराएर इंग्ल्याण्डले उपाधि जितेको हो । २ सय २९ रनको लक्ष्य पछ्याएको भारतले ४८ दशमलव ४ ओभरमा सबै विकेट गुमाएर २ सय १९ रनमात्रै बनाएपछि इंग्ल्याण्ड ९ रनले विजयी भएको हो । भारतका लागि पुनम राउतले ८६, हरमनप्रित कौरले ५१ तथा वेदा कृष्णमुर्तीले ३५ रनको योगदान दिएका थिए । इंग्ल्याण्डको जितमा एन्या श्रब्सोलले ६ विकेट लिइन् । यसअघि पहिले ब्याटिङ गरेको इंग्ल्याण्डले निर्धारित ५० ओभरमा सात विकेटको क्षतिमा २ सय २८ रन बनाएको थियो ।।
सरकारले गत आर्थिक बर्षमा खर्च गरेको रकममध्ये करिब ४० प्रतिशत रकम काठमाण्डौ जिल्लामा खर्च

सरकारले गत आर्थिक बर्षमा खर्च गरेको रकममध्ये करिब ४० प्रतिशत रकम काठमाण्डौ जिल्लामा खर्च

Business
महालेखा नियन्त्रक/पत्रकार सरकारले गत आर्थिक बर्षमा खर्च गरेको रकममध्ये करिब ४० प्रतिशत रकम काठमाण्डौ जिल्लामा खर्च गरेको छ । सरकारले ३ सय १२ अर्ब रुपयाँ काठमाण्डौ जिल्लामा खर्च गरेको हो । यसैगरि सरकारले उठाउने लक्ष्य राखेको कुल राजस्व ५ सय ६५ अर्ब मध्ये २४ प्रतिशत अर्थात् १ सय ३३ अर्ब रुपयाँ काठमाण्डौ जिल्लाबाट मात्र संकलन गरेको महालेखा नियन्त्रकको कार्यालयले जनाएको छ । राजधानीमा आयोजित पत्रकार सम्मेलनमा मुलुकका विभिन्न ठाउँहरुमा सञ्चालित आयोजनाको मुख्य कार्यालय काठमाण्डौमा हुनु, वैदेशिक तथा आन्तरिक ऋणको साँवा तथा ब्याजको भुक्तानी काठमाण्डौबाटै हुने गरेका कारण बढी खर्च देखिएको जानकारी दिइएको हो ।।
चिनसंग सिमा जोडिएको ताप्लेजुङको टिपताला भन्ज्याङ हुँदै ओलाङचुङगोला बस्तिसम्म मोटरबाटो जोडिएको छ ।

चिनसंग सिमा जोडिएको ताप्लेजुङको टिपताला भन्ज्याङ हुँदै ओलाङचुङगोला बस्तिसम्म मोटरबाटो जोडिएको छ ।

District News
ताप्लेजुङ/सडक निर्माण चिनसंग सिमा जोडिएको ताप्लेजुङको टिपताला भन्ज्याङ हुँदै ओलाङचुङगोला बस्तिसम्म मोटरबाटो जोडिएको छ । सो मोटरबाटो करिब ७ महिनामा जिल्लाको दुर्गम गाँउ ओलाङचुङगोलासम्म ट्रयाक खुल्ला गरीएको हो । ट्रयाक खुल्ला भएसंगै चिनबाट एक्साभेटर, ट्रयाक्टर र तेल ट्याङकर बस्तीसम्म आइपुगेको छ । नेपालको ७९ नम्बर खम्बा रहेको टिपताला भन्ज्याङबाट २१ किलोमिटर दुरी रहेको यो बस्तीमा सडक जोडिएसंगै स्थानियले सुविधा पाएको निर्माण समितिका अध्यक्ष छेतेन वालुङले बताउनु भएको छ । ताप्लेजुङ सदरमुकामदेखि टिप्ताला भन्जयाङसम्मको ९५ किलोमिटरमध्ये सदरमुकामको सुकेटार एयरपोटदेखि ४८ किलोमिटरमा रहेको तापेथोकसम्म ट्रयाक खुला भई सवारी सञ्चालनमा आइरहेको छ ।।
इस्लामिक स्टेट आईएसका दर्जनौँ लडाकू इराकको एकबार प्रान्तमा भएको हवाई आक्रमणमा मारिएका छन् ।

इस्लामिक स्टेट आईएसका दर्जनौँ लडाकू इराकको एकबार प्रान्तमा भएको हवाई आक्रमणमा मारिएका छन् ।

Uncategorized
इराक/लडाकु मारिए इस्लामिक स्टेट आईएसका दर्जनौँ लडाकू इराकको एकबार प्रान्तमा भएको हवाई आक्रमणमा मारिएका छन् । इराकी सुरक्षा फौजले गरेको सुरक्षा कारबाहीमा उनीहरु मारिएको सुरक्षा अधिकारीहरुले जानकारी दिएका छन् । सिरियाको सीमा क्षेत्रमा पर्ने पश्चिमी एनबार आईएस लडाकूहरुको नियन्त्रणमा रहेको ठाँउ मानिन्छ । इराकको गुप्तचर निकायले आईएस लडाकूहरुले हातहतियारहरु समेत भण्डारण गरेका घरहरु, घरेलु हतियार बनाउने तथा उत्पादन गर्ने ठाँउहरु र आईएस लडाकूहरु बसिरहेका ठाँउलाई लक्षित गरि आक्रमण गरिएको जनाएको छ ।।
व्यवस्थापिका– संसद्को हिजोको बैठकमा मन्त्रिपरिषद्को विस्तारमा भएको ढिलाइबारे ध्यानाकर्षण गराउँदै सांसदहरुले आगामी माघ ७ गतेभित्र प्रदेश सभा र केन्द्रीय संसद्को निर्वाचन गर्ने वातावरण बनाउन माग

व्यवस्थापिका– संसद्को हिजोको बैठकमा मन्त्रिपरिषद्को विस्तारमा भएको ढिलाइबारे ध्यानाकर्षण गराउँदै सांसदहरुले आगामी माघ ७ गतेभित्र प्रदेश सभा र केन्द्रीय संसद्को निर्वाचन गर्ने वातावरण बनाउन माग

National
व्यवस्थापिका संसद/बैठक व्यवस्थापिका– संसद्को हिजोको बैठकमा मन्त्रिपरिषद्को विस्तारमा भएको ढिलाइबारे ध्यानाकर्षण गराउँदै सांसदहरुले आगामी माघ ७ गतेभित्र प्रदेश सभा र केन्द्रीय संसद्को निर्वाचन गर्ने वातावरण बनाउन माग गर्नुभएको छ । बैठकको विशेष समयमा सांसदहरुले सरकारले निर्वाचन क्षेत्र निर्धारण आयोग गठनमा ढिलाइ गरेकाले प्रदेश र केन्द्रीय संसद्को निर्वाचन हुनेमा आंशका व्यक्त गर्नुभयो । उहाँहरुले बूढीगण्डकी जलविद्युत् आयोजनाका लागि विवादास्पद कम्पनीलाई छनोट गरिएको बताउँदै यसबाट स्थानीयवासीलाई मुआब्जा वितरण र आयोजनाले गति लिने कार्य प्रभावकारी हुन नसक्ने बताउनुभयो । व्यवस्थापिका–संसद्को अर्को बैठक आज पनि बस्नेछ ।।
अन्तर्राष्ट्रिय मापदण्ड अनुरुप सेवा प्रवाह गरेकामा अन्तर्राष्ट्रिय गुणस्तर प्रमाणपत्र पाउने राहदानी विभाग पहिलो सरकारी निकाय बन्न सफल ।

अन्तर्राष्ट्रिय मापदण्ड अनुरुप सेवा प्रवाह गरेकामा अन्तर्राष्ट्रिय गुणस्तर प्रमाणपत्र पाउने राहदानी विभाग पहिलो सरकारी निकाय बन्न सफल ।

National
राहदानी/परराष्ट्रमन्त्री राहदानी विभाग अन्तर्राष्ट्रिय गुणस्तर प्रमाणपत्र पाउने पहिलो सरकारी निकाय बनेको छ ।  राहदानी तयारी, प्रमाणीकरण, वितरण तथा यात्रा अनुमतिपत्र जारी गर्दा विभागले अन्तर्राष्ट्रिय मापदण्ड अनुरुप सेवा प्रवाह गरेकामा विभागलाइ अन्तर्राष्ट्रिय गुणस्तर संगठनले सो प्रमाणपत्र प्रदान गरेको हो । प्रमाणिकरणसँगै नेपाल सरकारको निकाय मध्ये सो निकाय उत्कृष्ट र गुणस्तरिय सेवा प्रवाह गर्ने संस्था वनेको छ । उपप्रधानमन्त्री तथा परराष्ट्रमन्त्री कृष्णवहादुर महराले सार्वजनिक  गुणस्तरियता मापन गरि प्रदान गरिएको प्रमाणपत्र उपप्रधानमन्त्री तथा परराष्ट्रमन्त्री कृष्णवहादुर महराले सार्वजनिक गर्नुभयो । त्यसबखत उपप्रधानमन्त्री महराले राहदानी विभाग गुणस्तरीय सेवा प्रदान गर्ने सरकारी संस्थामध्ये पहिलो संस्था वनेको भन्दै यसले अन्य सेवा प्रवाह गर्ने सरकारी निकायलाइ चुनौती थपिदिएको वत
नेपाली कांग्रेस केन्द्रीय कार्यसमितिको बैठकमा सदस्यहरुले बोल्ने क्रम जारी/ स्थानीय तहको निर्वाचन समीक्षा र आगामी निर्वाचनको विषयमा छलफल ।

नेपाली कांग्रेस केन्द्रीय कार्यसमितिको बैठकमा सदस्यहरुले बोल्ने क्रम जारी/ स्थानीय तहको निर्वाचन समीक्षा र आगामी निर्वाचनको विषयमा छलफल ।

Politics
नेका/केन्द्रीय समिति बैठक नेपाली कांग्रेसको केन्द्रीय कार्य समितिको बैठक जारी छ । शनिवारदेखि सुरु भएको बैठकमा स्थानीय तहको निर्वाचनको समिक्षा र आगामी प्रदेश र केन्द्रिय संसदको निर्वाचनको रणनीति बनाउने बिषयमा छलफल जारी छ । बैठकमा हिजोसम्म २१ जना केन्द्रीय सदस्यहरुले आफ्नो धारणा राख्नु भएको छ । पार्टी केन्द्रीय कार्यालय सानेपामा बसेको बैठकमा प्रदेश नम्बर २ को निर्वाचनका साथै, प्रदेश र संघीय निर्वाचनको रणनीति बनाउने बारेमा छलफल भएको छ । दोस्रो स्थानीय तहको निर्वाचन पछी पार्टीको अवस्थाका बारेमा बैठकमा छलफल भइरहेको नेपाली कांग्रेसका नेता अर्जुन नरसिंह केसीले बताउनुभयो । बैठक आज फेरि बस्ने कार्यक्रम छ ।।
प्रत्यक्ष निर्वाचित कार्यकारी र पूर्ण समानुपातिक निर्वाचन प्रणालीको पक्षमा जनमत जुटाउन प्रयास गरिने माओबादी केन्द्रको निर्णय ।

प्रत्यक्ष निर्वाचित कार्यकारी र पूर्ण समानुपातिक निर्वाचन प्रणालीको पक्षमा जनमत जुटाउन प्रयास गरिने माओबादी केन्द्रको निर्णय ।

Politics
माओबादी केन्द्र/पत्रकार नेकपा माओवादी केन्द्रका अध्यक्ष पुष्षकमल दाहाल प्रचण्डले आजसम्ममा मन्त्रीपरिषद विस्तार गरिने बताउनुभएको छ । नेकपा माओवादी केन्द्रको बैठकका निर्णय सार्वजनिक गर्न पार्टी कार्यालय पेरिस डाँडामा आयोजित कार्यक्रममा मन्त्रिपरिषद विस्तार बारेमा जानकारी दिनुहुँदै वहाँले यसका लागि सत्ता साझेदार दल तयारीमा रहेको बताउनुभयो । यसैबीच नेकपा माओबादी केन्द्रले संविधान संसोधन मार्फत प्रत्यक्ष निर्वाचित कार्यकारी र पूर्ण समानुपातिक निर्वाचन प्रणाली ब्यवस्था गर्नुपर्ने निश्कर्ष निकालेको छ । राजनितिक स्थिरता अर्थिक बिकासका लागि प्रत्यक्ष निर्वाचित कार्यकारी हुने शासकिय ब्यवस्था आवश्यक रहेको भन्दै अध्यक्ष प्रचण्डले त्यसका पक्षमा संविधान संसोधनका लागि सहमति जुटाउन अन्य दलहरुसँग छलफल गरिने बताउनुभयो । गुटवन्दी, अन्तरघात, पार्टी नेतृत्वको सरकारले गरेका राम्रा कामको प्रचार प्रसार
आन्तरिक राजश्व विभागका निलम्वित महानिर्देशक चूडामणि शर्माका सम्बन्धमा मिसिल झिकाउने सर्वोच्च अदालतको आदेश ।

आन्तरिक राजश्व विभागका निलम्वित महानिर्देशक चूडामणि शर्माका सम्बन्धमा मिसिल झिकाउने सर्वोच्च अदालतको आदेश ।

National
सर्वोच्च/चुडामणि आदेश सर्वोच्च अदालतले आन्तरिक राजश्व विभागका महानिर्देशक चूडामणि शर्मालाई गैरकानुनी रुपमा थुनामा राखेको भनी दायर गरिएको रिट निवेदनको सुनुवाइका लागि मिसिल झिकाउने आदेश दिएको छ । सर्वोच्चको बृहत् पूर्ण इजलासले मिसिल झिकाउने आदेश दिएको सर्वोच्च अदालतका सहप्रवक्ता विश्वराज पौडेलले जानकारी दिनुभयो । विशेष अदालतमा चलिरहेको मुद्दाको पनि फाइल मगाउने निर्णय गरी सर्वोच्चले सुनुवाइ स्थगन गरेको छ ।।