Business , News

अन्तर्राष्ट्रिय नागरिक उड्डयन सङ्गठन (आइकाओ) को हवाई महानिर्देशकहरुको ५६ औं सम्मेलन काठमाडौंमा सुरु

Mon Aug 19

अन्तर्राष्ट्रिय नागरिक उड्डयन सङ्गठन (आइकाओ) को हवाई महानिर्देशकहरुको ५६ औं सम्मेलन सोमवारदेखि काठमाडौंमा सुरु भयो।

  ५ दिनसम्म संचालन हुने सम्मेलनमा एशिया प्रसान्त क्षेत्रका ४४ देशका करिब ४ सय प्रतिनिधिको  सहभागिता रहेको छ ।

 नेपाल नागरिक उड्डयन प्राधिकरणले आयोजना गरेको सम्मेलनमा एशिया प्रशान्त क्षेत्रको उड्डयनको ‘सुरक्षा, प्राविधिक क्षमता अभिवृध्दि, पूर्वाधार विकासलगायत विषयमा छलफल हुनेछ । आइकाओमा नेपालसहित १९३ सदस्य राष्ट्र छन्।

सम्मेलनको उदघाटन गर्नु हुदैं  प्रधानमन्त्री के पी शर्मा ओलीले  आइकाओले निर्धारण गरेका हवाई सुरक्षाका मापदण्ड लागू गर्न नेपाल प्रतिवद्ध रहेको धारणा राख्नुभयो ।  उहांले विमानस्थलको सुधार र यात्रुहरुको सुरक्षा मुख्य प्राथमिकता रहेको बताउँदै थप दुई वटा अन्तर्राष्ट्रिय विमानस्थल निर्माणको अन्तिम चरणमा रहेको बताउनु भयो ।  उहांले त्रिभुवन अन्तर्राष्ट्रिय विमानस्थललाई बुटिक विमानस्थलका रुपमा रुपमान्तरण गरी अन्य तीन वटा अन्तर्राष्ट्रिय विमानस्थल निर्माण गर्न लागिएको जानकारी पनि त्यस बखत प्रधानमन्त्री ओलीले दिनुभयो । 

संस्कृति, पर्यटन तथा नागरिक उड्डयनमन्त्री योगेशकुमार भट्टराईले सुरक्षित र सक्षम उड्डयन क्षेत्रका लागि नेपाल प्रतिबद्ध रहेको बताउनु भयो । विश्वमा नै हवाई यात्रुको संख्या बढ्दै गएको बताउँदै हवाई सुरक्षालाई मुख्य प्राथमिकतामा राखिने उहाँको भनाई थियो । 

आइकाओका महानिर्देशक अरुण मिश्राले विश्वमा एसिया प्रसान्त क्षेत्रमा हवाई यात्रुहरुको चाप ३३ प्रतिशत रहेको बताउँदै यो क्षेत्रको उड्यन क्षेत्रको विकास र सुरक्षा मुख्य चासोको विषय रहेको बताउनु भयो ।

आइकाओ स्थापनाको ७५औँ हीरक वर्षका अवसरमा नेपालमा तेस्रो पटक सम्मेलन आयोजना भएको हो । सोही अवसरमा विश्वका सर्वोच्च शिखर सगरमाथामा आइकाओको झण्डा आरोही पासाङ टेण्डी शेर्पाले फहराउनु भएको थियो । सो झण्डा पर्यटनमन्त्री भट्टराईले आइकाओलाई हस्तान्तरण गर्नुभयो ।।

Social Share

प्रतिक्रया राख्नुहोस

भर्खरका समाचारहरु

NTV च्यानल लाइभ हेर्नुहोस्

NTV
NTV Plus
NTV News
NTV Kohalpur
NTV Itahari

प्रत्यक्ष

लुकाउनुहोस्