News , Sports

आईसीसी एकदिवसीय विश्वकप क्रिकेट प्रतियोगितामा अष्ट्रेलियाको दोस्रो जित

Fri Jun 7

काठमाडौं, जेठ २४:इंग्ल्याण्ड र वेल्समा भइरहेको आईसीसी एकदिवसीय विश्वकप क्रिकेट प्रतियोगितामा अष्ट्रेलियाले दोस्रो जित दर्ता गराएको छ । हिजो भएको आफ्नो दोस्रो खेलमा अष्ट्रेलियाले वेष्ट इण्डिजलाई १५ रनले पराजित गर्यो । टस हारेर सुरुवाती व्याटिङ गरेको अष्ट्रेलियाले ४९ ओभरमा अलआउट हुँदै २८८ रन बनाएको थियो । २८९ रनको मध्यम लक्ष्य पछ्याउदै व्याटिङका लागि मैदानमा आएको वेष्ट इण्डिजले सबै ५० ओभर खेल्दै ९ विकेट गुमाएर २७३ रन मात्र बनाउन सक्यो । जितसंगै २ खेलबाट ४ अंक जोडेको अष्ट्रेलिया तालिकाको दोस्रो स्थानमा उक्लिएको छ । यसअघि पहिलो खेलमा अष्ट्रेलियाले अफगानिस्तानलाई ७ विकेटले हराएको थियो । पहिलो खेलमा पाकिस्तानलाई ७ विकेटले हराएको वेष्ट इण्डिजको भने २ खेलबाट २ अंक छ । विश्वकपमा आज दुई दक्षिण एशियाली मुलुक पाकिस्तान र श्रीलंकाबीच खेलहुने कार्यक्रम छ । समान २ खेल खेलेका यी दुबै टोलीले एक-एक खेल जित्दै समान २ अंक जोडेका छन् । आजको खेलमा जित निकाल्दै अग्रता दोब्बर बनाउने रणनीतिमा दुबै टोली मैदानमा उत्रदै छन् ।।

Social Share

प्रतिक्रया राख्नुहोस

भर्खरका समाचारहरु

NTV च्यानल लाइभ हेर्नुहोस्

NTV
NTV Plus
NTV News
NTV Kohalpur
NTV Itahari

प्रत्यक्ष

लुकाउनुहोस्