News , Politics

तालिवानसँगको बार्ता भाँडियो

Mon Sep 9

काठमाडौं, भाद्र २३: अफगानिस्तानमा शान्ति स्थापनाका लागि संयुक्त राज्य अमेरिकाले तालिवान विद्रोहीसमूहसंग गर्न लागेको शान्ति सम्झौता अन्तिम समयमा भाडिएपछी तालिवानले त्यसको सबैभन्दा ठूलो मूल्य अमेरिकाले नै चुकाउनुपर्ने चेतावनी दिएको छ । अफगानिस्तानमा १८ बर्ष लामो युद्ध अन्त्य गरि शान्ति कायमगर्न विगत एक बर्षदेखि गोप्य वार्ता हुदै आएको थियो । त्यसै क्रममा अमेरिकी राष्ट्रपति डोनाल्ड ट्रम्पले वार्तारत तालिवान नेताहरुलाई भेट गरि शान्ति सम्झौता गर्ने कुरा भएका बेला अन्तिम समयमा वार्ता भंग भएको थियो । अफगानिस्तानमा अमेरिकी सैनिक माथि आक्रमण भएपछि त्यसबाट रुष्ट राष्ट्रपति ट्रम्पले वार्ता भंग भएको बताउनुभएको थियो । वार्ता भंग गर्ने ट्रम्पको निर्णय पछि विज्ञप्ति जारी गर्दै तालिवानले सबै कुरा सकारात्मक भएका बेला वार्ता तोडिएकोले त्यसको जिम्मा पनि अमेरिकाले नै लिनुपर्ने बताएको छ । यसैबीच अमेरिकी विदेशमन्त्री माइक पोम्पेओले तालिवान समूह प्रतिवद्धतासहित आएमा थप वार्ताको सम्भावना रहेको बताउनुभएको छ । वार्तामा अमेरिकाले चरणबद्ध रुपमा आफ्ना सैनिक फिर्ता लैजाने र अफगानिस्तानमा स्थायी शान्ती कायम गर्न दुबै पक्षले सघाउने विषयमा छलफल भइरहेको थियो ।।

Social Share

प्रतिक्रया राख्नुहोस

NTV च्यानल लाइभ हेर्नुहोस्

NTV
NTV Plus
NTV News
NTV Kohalpur
NTV Itahari

प्रत्यक्ष

लुकाउनुहोस्