News , World

दक्षिण अफ्रिकामा आँधी/पाँच लाख मानिस विस्थापित

Wed Mar 27

काठमाडौ, चैत्र १३ : दक्षिण अफ्रिकामा आएको आँधीबाट पाँच लाखभन्दा बढी मानिसहरु विस्थापित भएका छन् । आँधीसँगै परेको अत्यधिक बर्षा र बाढीले झण्डै सात सय जनाको मृत्यु भएको छ । यसैगरी तिब्र हावाहुरी र बर्षाले अर्बौं मुल्य बराबरका भौतिक संरचनाहरुमा क्षति पुर्याएको छ । अफ्रिकामा हालैका दिनमा आएका आँधीले मोजाम्बिक, जिम्बाबे र मलावी क्षेत्रलाई अझ बढी प्रभावित पारेको छ । बाढी प्रभावित क्षेत्रहरुमा राहत र उद्धारका काम समेत सहज रुपमा हुन नसकिरहेको अन्तर्राष्ट्रिय समाचार संस्थाहरुले उल्लेख गरेका छन् । दक्षिण अफ्रिका सहित त्यस क्षेत्रका विभिन्न मुलुकहरुमा दुई हप्ता अघी भिषण आँधी आएको थियो । त्यस यता लागातार आएको आँधी र बर्षाले लाखौं मानिसहरुलाई घरवार विहिन बनाएको हो । आँधीबाट प्रभावितलाई थप सहयोगको आवश्यकता रहेको अन्तर्राष्ट्रिय सहयोग संस्थाहरुले बताएका छन् ।।

Social Share

प्रतिक्रया राख्नुहोस

भर्खरका समाचारहरु

NTV च्यानल लाइभ हेर्नुहोस्

NTV
NTV Plus
NTV News
NTV Kohalpur
NTV Itahari

प्रत्यक्ष

लुकाउनुहोस्