World

दिल्ली बिधान सभामा आम आदमी पार्टीको सानदार जित

Wed Feb 12

काठमाडौं, माघ २९: भारतको नयाँ दिल्लीमा विधान सभाका लागि भएको निर्वाचनमा आम आदमी पार्टी ले सानदार जीत हासिल गरेको छ ।   कुल ७० सिटका लागि भएको विधानसभा निर्वाचनमा आम आदमी पार्टीले ६२ सिटमा विजय हासिल गरेको छ । आम आदमी पार्टीको जितसँगै दिल्लीको मुख्यमन्त्रीमा पुनः अरविन्द केजरीवाल अर्को कार्यकाल सुनिश्चित भएको छ । निर्वाचनमा दिल्लीका मुख्य मन्त्री केजरीवाल भारी मत सहित विजयी हुनु छ । भारतको सत्तारुढ भारतीय जनता पार्टी दिल्ली विधानसभामा केवल ८ सिटमा सीमित हुन पुगेको छ । यसै गरी प्रमुख प्रतिपक्षी दल भारतीय कँग्रेसले कुनै पनि स्थान सुरक्षित गर्न सकेन । जितपछि समर्थकहरुलाई सम्बोधन गर्दै मुख्यमन्त्री केजरीवालले आम आदमी पार्टीको जीत मातृभूमिका लागि भएको बताउनु भयो । पूर्व कर्मचारी समेत रहनु भएका ५१ वर्षीय केजरीवाल राजनीतिमा आउनु अघि भ्रष्टाचार विरोधी अभियन्ताका रुपमा चर्चित हुनुहुन्थ्यो । सन् २०१३ मा पहिलोपटक मुख्य मन्त्री निर्वाचित हुनुभएका केजरीवाल सन् २०१५ मा भारी मत सहित दोस्रो पटक पनि निर्वाचित हुनुभएको थियो । केजरीवालले दिल्लीमा सरकारी विद्यालयको स्तर सुधार गर्नुका साथै सस्तो शुल्कमा क्लिनिक संचालन, खानेपानी र विद्युत शुल्कमा कटौती गर्नुभएको थियो । केजरीवाल दिल्लीलाई थप अधिकार दिनुपर्ने तथा प्रहरी र जमिन राज्य सरकार मातहतमा हुनुपर्ने भन्दै संघीय सरकारसँग संघर्षरत हुनुहुन्छ ।।

Social Share

प्रतिक्रया राख्नुहोस

भर्खरका समाचारहरु

NTV च्यानल लाइभ हेर्नुहोस्

NTV
NTV Plus
NTV News
NTV Kohalpur
NTV Itahari

प्रत्यक्ष

लुकाउनुहोस्