News

नदीहरुमा आज र भोलि बाढीको उच्च सम्भावना

Thu Jul 11

काठमाडौं, असार २६:देशभरका साना तथा ठूला नदीहरुमा आज र भोलि बाढीको उच्च सम्भावना रहेकाले पूर्वतयारी र प्रतिकार्यमा जुट्न मौसमबिद्हरुले आह्वान गरेका छन् । विशेषगरी तराई, सिवालिक र मध्य पहाडी क्षेत्रमा आगामी ३ दिन भारी वर्षा हुने अनुमान छ । जसका कारण नदी तथा खोलाहरुमा ठूलो बाढी आउने छ । आज बेलुकीपछि कन्काइ, सप्तकोसी, तमोर, दुधकोसी, सुनकोसी, कमला र बागमती तथा पूर्व राप्ति जलाधारमा पानीको बहाब उच्च हुने र सतर्कता तह पनि पार गर्ने सम्भावना देखिएको बाढी पूर्वानुमान महाशाखाले जनाएको छ । महाशाखाले आज जारी गरेको बुलेटिनमा प्रदेश १, २, ३, गण्डकी प्रदेश, प्रदेश ५ तथा सुदूरपश्चिम प्रदेशका तराईको भूभागबाट बहने साना तथा मझौला नदीहरूमा बाढीको उच्च सम्भावना रहेकाले पूर्वतयारी र प्रतिकार्यमा जुट्न अपिल गरिएको छ । जल तथा मौसम विज्ञान विभागका अनुसार आज र भोलि देशभर वर्षाको सम्भावना छ । आज राति केही स्थानमा ‘अति भारी’ वर्षा हुने पूर्वानुमान छ । आगामी २४ घण्टाका लागि चेतावनी जारी गर्दै मौसम पूर्वानुमान महाशाखाले हवाई र सडक यातायातमा अवरोध आउन सक्ने बताएको छ । हाल मनसुन न्यूनचापीय रेखा नेपालको नजिक रहेकाले हाल देशभर पूर्ण बदली रही मध्य र पूर्वका केही स्थान तथा पश्चिम क्षेत्रको धेरैजसो स्थानहरुमा मनसुनी वर्षा जारी छ । आगामी २४ घण्टासम्म पनि मनसुन न्यूनचापीय रेखा नेपालको पूर्वदेखि पश्चिम तराई भूभागमा रहीरहने मौसमविदले बताएका छन् ।।

Social Share

प्रतिक्रया राख्नुहोस

भर्खरका समाचारहरु

NTV च्यानल लाइभ हेर्नुहोस्

NTV
NTV Plus
NTV News
NTV Kohalpur
NTV Itahari

प्रत्यक्ष

लुकाउनुहोस्