Sports

नेपाल दोस्रो अन्तराष्ट्रिय मैत्रिपुर्ण खेलमा कुवेतसंग १-० गोल अन्तरले पराजित । आज अफगानिस्तानसंग खेल्दै ।।

Tue Mar 26

काठमाडौ, चैत्र १२:  नेपाल दोस्रो अन्तराष्ट्रिय मैत्रिपुर्ण खेलमा घरेलु टोली कुवेतसंग पराजित भएको छ । हिजो भएको खेलमा नेपाल कुवेतसंग १-० गोल अन्तरले पराजित भएको हो । अल शबब स्टेडियममा कुवेतलाई जित दिलाउन युसुफ नासिरले निर्णायक गोल गरे । खेलको २९ औं मिनेटमा नासिरले पेनाल्टीमा गोल गर्दै कुवेतलाई जित दिलाए । यसअघि पहिलो खेलमा नेपालले कुवेतसंग गोलरहित बराबरी खेलेको थियो । दोस्रो खेलमा पनि नेपाल कुवेतलाई बराबरीमा रोक्ने योजनासहित मैदान उत्रिएको थियो । तर, नेपालले दोस्रो खेलमा बलियो टोली कुवेतलाई रोक्न सकेन । योसंगै मुख्य प्रशिक्षक योहान कालिनको नेतृत्वमा नेपालले दुई खेलमा एक हार र एक बराबरी खेलेको छ । हालै मुख्य प्रशिक्षकमा नियुक्त भएका कालिनको नेतृत्वमा नेपाल कुवेत भ्रमणमा गएको थियो ।।

कतारमा जारी तेइस बर्ष मूनिको एएफसी यू-२३ च्याम्पियनशिपको आफ्नो अन्तिम खेलमा नेपालले आज अफगानिस्तानसंग खेल्दैछ । च्याम्पियनशिपमा लगातार दुई खेल हारेर छनौटबाट बाहिरिसकेको नेपालका लागि आजको खेल औपचारिकता मात्रै बन्न पुगेको छ । प्रतियोगितामा ओमान र आयोजक कतारसंग पराजित भएसंगै नेपालको छनोट संभावना सकिएको हो । कतारसंग ५-० गोल अन्तरले पराजित भएको नेपाली टोली ओमानसंग १-० गोल अन्तरले पराजित भइसकेको छ । २ खेलमै पराजय व्यहोरेपछी नेपालले हालसम्म कुनै पनि अंक जोड्न सकेको छैन । छनौट खेलको विजेताले थाइल्याण्डमा आयोजना हुने एएफसी यू–२३ च्याम्पियनशिप फुटबल प्रतियोगतामा सहभागिता जनाउनेछ । यस्तै दोस्रो हुने टोलीमध्ये उत्कृष्ट पाँच टोलीले पनि च्याम्पियनशिपमा भाग लिन पाउनेछन् ।।

Social Share

प्रतिक्रया राख्नुहोस

भर्खरका समाचारहरु

NTV च्यानल लाइभ हेर्नुहोस्

NTV
NTV Plus
NTV News
NTV Kohalpur
NTV Itahari

प्रत्यक्ष

लुकाउनुहोस्