Others

थाइल्याण्डमा आज निर्वाचन

Wed Mar 20

काठमाडौ, चैत्र १०: थाईल्याण्डमा लोकतान्त्रिक सरकार गठनका लागि आज मतदान भइरहेको छ । विगत ५ बर्ष देखि सैन्य प्रमुखको नेतृत्वमा चलेको मुलुकमा लोकतान्त्रिक सरकार गठनका लागि मतदान भएको हो । पाँच करोड दश लाख भन्दा बढीले मतदात गर्ने बताइएको निर्वाचनमा ४० दलबाट झण्डै दश हजार उम्मेदवारहरू चुनावी मैदानमा उत्रिएका छन् । तर निर्वाचनमा देशको प्रमुख राजनितिक दल नै सहभागी भएको छैन । अदालतले पूर्वप्रधानमन्त्रीद्वय थाक्सिन सिनावात्रा र यीङ्लक सिनावात्राको थाई रक्षा चार्ट दललाई विघटन गरिदिएपछि त्यो दल निर्वाचनमा सहभागी हुन नपाएको हो । प्रमुख दलनै प्रतिस्पर्धामा नभएपछि निर्वाचनको पूर्णता माथी भने संशय उत्पन्न भएको छ । थाई राजकुमारीलाई प्रधानमन्त्रीको उम्मेदवार बनाउने प्रयास गरेर पार्टीले अवैध र गलत काम गरेको भन्दै अदालतले थाई रक्षा पार्टी माथी प्रतिवन्ध लगाउदै विघठन गर्ने निर्णय गरेको थियो । सन् २०१४ मा निर्वाचित प्रधानमन्त्री यीङ्लकलाई हटाएर सेनाले राज्य सत्ता हातमा लिएपछी त्यहाँ लोकतन्त्रको माग हुदै आएको छ । थाइल्याण्डमा सन् २०११ पछी पहिलोपटक आम निर्वाचन भएको हो ।।

Social Share

प्रतिक्रया राख्नुहोस

भर्खरका समाचारहरु

NTV च्यानल लाइभ हेर्नुहोस्

NTV
NTV Plus
NTV News
NTV Kohalpur
NTV Itahari

प्रत्यक्ष

लुकाउनुहोस्