News

प्रधानमन्त्री केपी शर्मा ओली र भियतनामका प्रधानमन्त्री नुइएन चुआन फुक बीच औपचारिक भेटवार्ता

Sat May 11

काठमाडौं, बैशाख २८ : भियतनाम र कम्वोडियाको औपचारिक भ्रमणका क्रममा भियतनाममा रहनु भएका प्रधानमन्त्री केपी शर्मा ओली र भियतनामका प्रधानमन्त्री नुइएन चुआन फुक बीच आज औपचारिक भेटवार्ता भएको छ । दुवै देशका प्रधानमन्त्रीबिचको औपचारिक वार्तासंगै दुइदेशबीचका प्रतिनीधिमण्डलबीच आपसी सहयोग र सहकार्यका विविध क्षेत्रका विषयमा छलफल पनि भएको छ । छलफलपछि सहकार्यका ३ वटा समझदारीपत्रमा समेत हस्ताक्षर भएको छ । दुई देशबीच सरकारी र कूटनीतिक राहदानीमा प्रवेशाज्ञा शुल्क नलाग्ने, दुईपक्षीय परामर्श संयन्त्रको स्थापना र ब्यापार सहजीकरण गर्ने बिषयका समझदारी पत्रमा हस्ताक्षर भएको हो । प्रधानमन्त्री ओलीले आजै भियतनामका राष्ट्रपति नुयन थी किम नानसंगपनि शिष्टाचार भेट गर्नुहुने हाम्रा प्रतिनीधि चुडामणी नेपाल र पुरुषोत्तम घिमिरेले हनोइबाट जनाएका छन् ।

प्रधानमन्त्री केपी शर्मा ओलीले अन्तर्राष्ट्रिय बौद्ध महासंघका अध्यक्ष भियतनामी नागरिक डाक्टर थे हुयन दिउले लेख्नुभएको नेपालको शान्ति सम्बन्धी पुस्तक विमोचन गर्नुभएको छ । भियतनामको राजधानी हनोईस्थित परम्परागत भियतनामी पोशाक केन्द्रमा आयोजित कार्यक्रममा प्रधानमन्त्री ओलीले Nepal, Peace is at hand शीर्षकको पुस्तक विमोचन गर्नुभएको हो । कार्यक्रममा प्रधानमन्त्री ओलीले पुस्तकले बुद्द जन्मजयन्तीको अवसरमा भियतनाममा आयोजना हुने लागेको वेसाक सम्मेलनमा सहभागी हुने सदस्यहरुलाई बुद्दको जन्मस्थल र नेपालको शान्ति बारे जानकारी लिन सजिलो हुने बताउनुभयो । उहाँले नेपाल बुद्दको जन्मस्थल मात्रै नभएर बौद्ध दर्शनको आधारस्थल पनि रहेको बताउनुभयो ।

अंग्रेजी र भियतनामी भाषामा लेखिएको पुस्तकमा नेपालको शान्ति प्रकृयाले प्राप्त गरेको सफलता र बुद्धको जन्मस्थल रहेको नेपाल पर्यटकहरुका लागि आकर्षक गन्तव्यस्थल रहेको उल्लेख छ । लेखक डाक्टर  Dieu ले आह्वान गरेपछि विभिन्न २० भन्दा बढी मुलुकले बुद्धको जन्मस्थल लुम्बिनीमा आ आफ्नो देशको नामबाट बौद्ध विहारहरुको निर्माण गरेका छन । सबैभन्दा पहिले डा Dieu ले नै नेपालबाट लुम्बिनीमा अन्तराष्ट्रिय विहार बनाउने अनुमति पाउनुभएको थियो ।।

Social Share

प्रतिक्रया राख्नुहोस

भर्खरका समाचारहरु

NTV च्यानल लाइभ हेर्नुहोस्

NTV
NTV Plus
NTV News
NTV Kohalpur
NTV Itahari

प्रत्यक्ष

लुकाउनुहोस्