News , Politics

प्रम ओली र कम्बोडियाका प्रधानमन्त्रीबीच भेटवार्ता

Tue May 14

काठमाडौं,बैशाख ३१ :कम्वोडिया भ्रमणमा रहनुभएका प्रधानमन्त्री केपी शर्मा ओलीसँग  कम्बोडियाका सिनेट तथा राष्ट्रियसभाका अध्यक्षले छुट्छ्ट्टै  शिष्टाचार भेटवार्ता गर्नुभएको छ । प्रधानमन्त्री ओलीसंग कार्यवाहक राष्ट्र प्रमुख समेत रहनु भएका सिनेट अध्यक्ष से चुम आरले राजधानी नोम्पेङस्थित सिनेट हाउसमा शिष्टाचार भेटवार्ता गर्नुभएको हो । यसैगरी प्रधानमन्त्री ओलीसंग आजै कम्वोडियाका राष्ट्रियसभा अध्यक्षहेङ साम्रिङले शिष्टाचार भेटवार्ता गर्नुभयो । भेटका क्रममा प्रधानमन्त्री ओलीले आफ्नो भ्रमणले नेपाल र कम्वोडिया बीचको सम्बन्धलाई थप उचाइमा पुर्‍याउन बल पुगेको बताउनुभयो । प्रधानमन्त्री ओलीले आगामी दिनमा दुइ देश बीचको सहकार्यलाई बढाउने तर्फ केन्द्रित भएर काम गर्नु पर्ने पनि बताउनुभयो । भेटका अवसरमा सिनेट र राष्ट्रिय सभाका अध्यक्षहरुले प्रधानमन्त्री ओलीलाई स्वागत गर्न पाउँनु निकै खुशीको कुरा भएको भन्दै दुई देशबीचको साझा हितमा काम गर्नुपर्ने धारणा व्यक्त गर्नुभएको प्रधानमन्त्रीको भ्रमणदलमा रहेका हाम्रा प्रतिनिधि चूडामणी नेपाल र पुरुषोत्तम घिमिरेले जनाएका छन् । यसअघि हिजो प्रधानमन्त्री ओली र कम्बोडियाका प्रधानमन्त्री समबेदक अक्का मोह सेना पाडेइ टेको हुन सेनबीच भेटवार्ता भयो । त्यसक्रममा प्रधानमन्त्री ओली र  कम्बोडियाली प्रधानमन्त्री हुन सेनबीच एक्लाएक्लै र प्रतिनिधिमण्डलस्तरीय द्विपक्षीय बैठक भयो । बैठकमा दुई देशबीच द्विपक्षीय सम्बन्ध सुदृढ गर्दै  सहयोग विस्तार गर्ने र पर्यटन प्रवद्र्धन गर्ने लगायत विषयमा छलफल भएको पनि हाम्रा प्रतिनीधिहरुले जनाएका छन् । प्रधानमन्त्री ओली कम्बोडियाका समकक्षी हुन सेनको मैत्रीपूर्ण निमन्त्रणामा नेपाली प्रतिनिधिमण्डलको नेतृत्व गर्दै हिजोदेखी कम्बोडियाको भ्रमणमा हुनुहुन्छ ।।

Social Share

प्रतिक्रया राख्नुहोस

NTV च्यानल लाइभ हेर्नुहोस्

NTV
NTV Plus
NTV News
NTV Kohalpur
NTV Itahari

प्रत्यक्ष

लुकाउनुहोस्