News , World

साउदी अरेवियालाई हतियार बेच्दै अमेरिका

Sat May 25

काठमाडौं, जेठ ११ : अमेरिकाले साउदी अरेवियालाई अर्वौं डलर वरावरका हतियार बेच्ने निर्णय गरेको छ । राष्ट्रपति डोनाल्ड ट्रम्पले इरानका कारण खाडी मुलुकहरु र अमेरिकामै बढीरहेको सुरक्षा खतरा विरुद्ध लड्न हतियार आवश्यक भएको भन्दै आठ अर्व डलर मूल्यका युद्धक हतियार बिक्रिको सहमति दिनुभएको हो । राष्ट्रपति ट्रम्पले इरानसंगको खराव सम्वन्धले अमेरिकामा राष्ट्रिय संकटको अवस्था आएको भन्दै त्यसको सामना गर्न आफ्ना सहयोगी मुलुकहरुलाई हात हतियार बिक्रि गर्नु जरुरी भएको बताउनुभएको छ । उहाँले संयुक्त अरव इमिरेट्स र जोर्डनलाई पनि हतियार बेच्न लाग्नु भएको बताइएको छ । तर हतियारहरु बिक्रिको निर्णय पुर्व कंग्रेसमा छलफल नगरेको भन्दै डेमोक्रयाट सांसदहरुले निर्णयको विरोध गरेका छन् । संसदलाई हिजो राष्ट्रपतिको निर्णय बारे जानकारी गराउदै विदेश मन्त्री माइक पम्पियोले खाडी मुलुकहरुमा आउन सक्ने खतरा रोक्न तत्काल हतियार विक्रिको निर्णय गर्नु जरुरी भएको बताउनुभएको थियो । तर कंग्रेसलाई छलेर भएको हतियार बिक्रिको निर्णय अधिनायकवादी शासकहरुलाई खुसी पार्ने नियतले भएको भन्दै सर्वसाधारण नागरिकहरु माथी हतियार प्रयोगको खतरा प्रति सांसदहरुले आवाज उठाएका छन् ।।

Social Share

प्रतिक्रया राख्नुहोस

NTV च्यानल लाइभ हेर्नुहोस्

NTV
NTV Plus
NTV News
NTV Kohalpur
NTV Itahari

प्रत्यक्ष

लुकाउनुहोस्