News , Sports

सिंगापुरमा भएको त्रिकोणात्मक क्रिकेटमा नेपाल सिंगापुरबीचको खेल रद्द

Thu Oct 3

काठमाडौं, असोज १६: सिंगापुरमा भएको त्रिकोणात्मक क्रिकेट सिरिजमा नेपाल र घरेलु टोली सिंगापुरबीचको खेल रद्द भएको छ । लगातार पानी परिरहेपछि खेल रद्ध गरिएको हो । रद्ध भएको खेलसंगै कुल ३ अंक जोड्दै नेपालले सिंगापुरमा भएको त्रिकोणात्मक सिरिज यात्रा सम्पन्न गरेको छ । सिरिजको पहिलो खेलमा जिम्बावेसँग ५ विकेटले पराजित भएको नेपाको राष्ट्रिय टोली दोस्रो खेलमा भने घरेलु टोलीलाई ९ विकेटले हराउन सफल भएको थियो । तर तेस्रो खेलमा जिम्बावेसँग ४० रनले पराजित भएपछि नेपालको सिरिज जित्ने लक्ष्य भने पुरा हुन सकेन । सिरिजको अन्तिम खेल आज आयोजक सिंगापुर र जिम्बावेबीच हुदैछ ।   यसैबीच ओमानमा आयोजना हुने पाँच राष्ट्रबीचको टी-ट्वान्टी क्रिकेट सिरिजका लागि नेपाली राष्ट्रिय क्रिकेट टिम आज त्यसतर्फ प्रस्थान गर्दै छ । नेपाली राष्ट्रिय क्रिकेट टिमका म्यानेजर रमन सिवाकोटीले नेपाली टिम सिंगापुरबाटै अपरान्ह ओमान जाने जानकारी दिएका छन् । नेपाली टिम सिंगापुरमा जारी त्रिकोणात्मक टी-ट्वान्टी सिरिज खेलेर ओमान जान लागेको हो । ओमान क्रिकेटले आयोजना गर्ने सिरिजमा नेपाल, आयोजक ओमान, टेष्ट राष्ट्र आयरल्याण्ड, हङकङ र नेदरल्याण्डबीच प्रतिस्पर्धा हुनेछ । सिरिज यहिँ असोज १८ देखि २३ गते सम्म हुनेछ । नेपालले पहिलो खेल हङकङसँग असोज १९ गते खेल्नेछ । यस्तै दोस्रो खेलमा नेदरल्याण्डसँग असोज २०, तेस्रो खेलमा आयरल्याण्डसँग असोज २२ र अन्तिम खेलमा नेपालले ओमानसँग असोज २३ गते खेल्ने छ । युएईमा आयोजना हुने आईसीसी टी-ट्वान्टी विश्वकपको ग्लोबल छनोट अघि ओमानले पाँच राष्ट्रबीचको सिरिज खेलाउन लागेको हो ।।

Social Share

प्रतिक्रया राख्नुहोस

भर्खरका समाचारहरु

NTV च्यानल लाइभ हेर्नुहोस्

NTV
NTV Plus
NTV News
NTV Kohalpur
NTV Itahari

प्रत्यक्ष

लुकाउनुहोस्